25. Furqon surasi | Mishary Rashid Alafasy

🕋 Furqon surasi | Qur’oni Karim

Makkada nozil qilingan ushbu sura 77 oyatdan iborat.

Sura mazmuni:

Qur’on — haq bilan botilni ajratuvchi ilohiy Kitob

Payg‘ambarlik haqiqatining isboti

Mushriklarning e’tirozlariga qat’iy javob

Noto‘g‘ri do‘stlikning oxiratdagi pushaymonligi

Rahmon bandalarining go‘zal sifatlari

Furqon surasi Alloh taolo tomonidan Muhammad alayhissalomga nozil qilingan Qur’oni Karimning haq va botilni ajratib beruvchi Kitob ekani ta’kidlash bilan boshlanadi. Sura davomida payg‘ambar nega farishta emas, balki oddiy inson bo‘lgani haqidagi mushriklarning da’volari aniq dalillar bilan rad etiladi.

Shuningdek, bu surada yomon “do‘st”larning vasvasasiga uchib, iymon va e’tiqodidan voz kechgan kimsalar Qiyomat kunida qilgan ishlaridan qattiq afsuslanishlari haqida ogohlantiriladi.

Sura nihoyasida esa Rahmon bandalari — haqiqiy mo‘min-musulmonlarning axloqi, xulqi va ularni jannat ne’matlariga yetkazadigan fazilatlari go‘zal tarzda bayon qilinadi.

Qur’oni Karimda Alloh tomonidan nozil qilingan ilohiy kitoblar “Furqon”, ya’ni haq bilan botilni ajratuvchi Kitob deb ataladi. Ushbu surada esa bu nom bilan aynan Qur’on nazarda tutiladi.

📖 Tarjima: Muhammad Sodiq Muhammad Yusuf
🎙 Qiroat: Mishary Rashid Alafasy

#FurqonSurasi #Furqon #QuroniKarim #Tilovat #Quron #Islom