نكت على لسان الشاعر أحمد فؤاد نجم ( الفاجومي ) - و جزء من قصيدة البــــتـــاع من برنامج عـــزب شـــو

اسمع ألذ نكت الشاعر أحمد فؤاد نجم ( الفاجومي ) - و جزء من قصيدة البــــتـــاع من برنامج عـــزب شـــو

و تقليده لشاعر العامية أحمد فؤاد نجم

قصيده البتاع للفاجومى احمد فؤاد نجم
يـــــاللي فتحت البتــاع فتحك عــلى مــقـفـــول
لأن أصــــل الـبــتــــاع واصل عـــلى موصول
فـأى شــــــئ فــي البتاع الناس تشوف على طول
والناس تموت في البتاع فيبقي مين مســـؤول ؟
وإزاي حــــتفتح بــتــاع في وســـط ناس بتقول
بــــأن هـــــــذا البتـــاع جاب الخراب مشــمول
لأن حــتــــة بــــتـــــاع جــــاهل غبي مخبول
أمـــــر بــــفتح الـــبتاع لأنه كان مســـــطول !
وبــــــعد فـــتح الـــبتاع جابـــوا الهوا المنقول
نـــكش عشـــوش البتاع وهــد كــــل أصــول
وفــــات في غيط البتاع قام ســـمم المحصول
وخلا لـــــون الــبتـــاع أصفر حزين مهزول
وســـــــاد قانون البتاع ولا علة ولا مـعلــول
فالقاضي تبع الـبتاع فالحق ع الــمقـــتول
والجهل زاد في البتاع ولا مقري ولا منقول
والخوف سرح في البتاع خلا الــديابه تصول
ويــبقي البتاع في البتاع والناس صايبها ذهول
وأن حد قــال دا البــتاع يقولوا له مش معقول
وناس تعيـــش بالبتاع وناس تـمـوت بــالفول
ونــــاس تنام ع البتاع وناس تــنــام كشـــكول
آدي اللي جـابـه البتاع جاب الخراب بالطول
لأنـــــــــــه حتة بتاع مـــخــلب لراس #الغول
بــــــاع البتاع بالبتاع وعشان يعيش على طول
عــــين حرس بالبتاع وبرضه مـــات مقتول