Hafiz Məmmədovun məhkəməsi təxirə salındı

Xəbər haqda Mətn:
Həbsdə olan iş adamı Hafiz Məmmədovun işi üzrə təkrar məhkəmə prosesi gələn həftənin əvvəlinə qədər təxirə salınıb. Bu barədə redaksiyamıza vəkil İsmayıl Kəngərli məlumat verib.

Həmin vaxta qədər Hafiz Məmmədov həbsdə qalacaq.

Yaxın saatlarda Yasamal Rayon Məhkəməsi vəkilin tələbi ilə həbsdə olan iş adamı Hafiz Məmmədovun işinə yenidən baxmağa başlayacaq. Bu barədə virtualaz.org-a Məmmədovun vəkili İsmayıl Kəngərli məlumat verib.

Onun sözlərinə görə, hazırda Məmmədovun vergi və sosial ödənişlər üzrə borcu 1,5 milyon manatdır.

"Dövlət Vergi Xidməti Hafiz Məmmədovdan borcun tam ödənilməsini tələb edir. Lakin məhkəmənin mövqeyi ondan ibarətdir ki, iş adamı borcunun yarısını ödədiyi halda ev dustaqlığına buraxıla bilər", - deyə Kəngərli bildirib.

Qeyd, edək ki, ötən gün məhkəmənin həbs qətimkan tədbiri seçməsindən sonra Hafiz Məmmədov bir neçə saat Yasamal rayon, polis idarəsində saxlanılıb, sonra isə 1 saylı istintaq təcridxanasına aparılıb.

Bu arada, daxil olan məlumata görə, həbsdə olan Hafiz Məmmədovun yaxın dostları iş adamının azadlığa buraxılması üçün 300 min manat toplaya biliblər. Vəsaitlər artıq Dövlət Vergi Xidmətinin hesabına köçürülüb.