宣萱為擔任司儀緊張足3日 笑稱《巨塔之后》對白超考記性

宣萱為擔任司儀緊張足3日 笑稱《巨塔之后》對白超考記性

宣萱呢日重拾好耐冇做過嘅崗位，為一個活動擔任司儀之餘，仲要即場為嘉賓做翻譯，佢直言活動前三日就已經開始緊張，仲不斷喺屋企讀稿，佢話因為司儀好睇現場嘅嘉賓會講啲咩，有時嘉義未必會跟稿講，所以活動前都會同對方溝通一下。

對於要即時為嘉賓們翻譯，宣萱就話自己個腦轉不停，除咗要睇手上嘅cue card寫咩外，又要留意賓客們講咗啲咩，加上要融合客戶想佢講嘅資訊，所以轉數慢啲都搞唔掂呀。

講到主演嘅新劇《巨塔之后》，宣萱就話拍呢個劇時雖然會有好痛苦嘅時候，但大家都係喺歡樂中度過。由於劇中宣萱有唔少獨自喺台上講一大段對白嘅戲份，搞到佢每日都會好似閉關咁喺度練對白，不過佢就話呢個係一個好好嘅體驗，因為宣萱話有段時間覺得自己開始有啲失憶，記性開始退化，佢笑話懷疑係早年疫情時大家都留喺屋企，搞到個腦比較少用所導致㗎。

為咗捉住滑雪季嘅尾巴，宣萱早前就去咗滑雪，佢話呢項運動自己好早之前就已經想試，但係近年先有返啲時間，身為滑雪新手嘅佢，話自己每次滑雪後都要睇跌打，不過就唔會因為咁而放棄，仲話今年12月會再去學，笑言唔好畀年齡限制自己呀。

#宣萱 #巨塔之后 #司儀 #即場 #翻譯 #失憶 #記性差 #痛苦 #滑雪 #年齡限制 #新手 #轉數
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0