Ahmedê Xanî - iro li textê dilberi

Dengbêj kurdî klasik ji dîwana Ehmedê Xanî: “iro li texrê dîlberî ”
Westran û stranên kurdî yên kevn bi dengê “Diwana Sitrana”.
دیوانا سترانا /سترانێن کوردی هەلبەستێن ئەحمەدێ خانی.




îro li textê dîlberî, ya rebb! çi şîrîn esmer e

jê nabitin min dil birrî, ew dîlber e, yan dilber e

dil gorîya canane ev, hem dîn û hem îmane ev

hem lutfû hem îhsane ev, hem law û hem gerden zere

kakul ji ber tacê bi zerr, ta ta wekî perr têne der

ser eskerê tîpa teter, serdar e yane serwer e

ya rebb hebîna reng feleq, horî teteq dagirt şefeq

ya belg û netrik, ya wereq, ya qişt e,yana çenbere

ew turre, ya keyso ne ew, zencî ne, ya hindo ne ew

şutrî ne, ya şeb‘bo ne ew, ya toxê şahê sencer e

ebrû ne yan cotek hîlal, hindû ne yan nîşan û xal

keysû ne yan hezret bîlal, meşxûlê ellah ekber e

çav in gello? ya serxweş in, ya kafir in ya dilreş in

bêmar in ew ya nexweş in, yan nêrgiz û cadûkher e

ruxsar e, ya rebb! ya qemer, guftar e ya rebb! ya guher

ew qend e ya rebb! ya şeker,ew suhd e yane xebere

ew rûn e yan gulbergê al, alal e, yan dêma bi xal

qendîlê nûra zulcelal, mir’at e yana mezher e

dêm, şûşe nûra heqq di nav, dev xunçe ya şirîn gulav

rux, sorgula rengîn xunav,xal, misk e,nîşan anber e

lêv in gello? yaqûtê can, yaqûte,ya qûtê rewan

ya qutîya durca diran, yan hewza ava kewser e

ya rebb xetê reyhanî ye ser sûretê qur’an’î ye

yan xatema sultanî ye, mir’at e, yane menzer e

xal in gello ya fulful in, ew arid in yan sorgul in

em aşiqin, yan bulbul in,zîkrê wî werda ehmer e

ew gerdena şubhê şemal, ser çesmeya ava zelal

qarûreya xemra helal, ya şîse ye, yan mermer e

ya rebb! qeda zîba ye ev, yan ke’be ya îsa ye ev

yan mescîdul-eqsa ye ev, yan sidre, yana er’er e

ya rebb! dilê dîwane ye, yan alimê ferzane ye

yan bulbulê wêrane ye, yan ûd e,yana mîcmer e

ew xanî yê dildade ye, meşreb ji rengê bade ye

derdê wî, yarek sade ye, lew her zeîf û rengzer e.





#DiwanaSitrana #dengbej #dengbejî #stran #strankurdî #muzîkakurdi #kurdî #kurdishmusic #AhmedêXanî #EhmedêXanî #AyDerîxaMame #folklorakurdi #klasîk #kurdishfolklore #dengbejîBadînî #rojnamevanî #kurdistan #kurmancî

#دیوانە_سترانە #دەنگبێژ #گەورەی_دەنگبێژ #گۆرانی #گۆرانی_کوردی #موزیک_کوردی #کوردی #ئەمەدە_خانی #ئەھمەدە_خانی #ئای_دەریخا_مامە #فۆلکلۆر_کوردی #موسیقای_کلەسیک #دەنگبێژی_بادینی #کوردستان #کوردستان