Jean-Paul Runigoù - Kanenn nevez Sant-Eflamm (Kervignag)

Enrollet eo bet Jean-Paul get e vab Brewal. O zrugarekaat a raomp bout raet an aotre deomp da lekel ar ganenn-mañ àr Youtube !

Savet eo bet ar c'homzoù get Frañsez Falkerc'hoù, beleg ha skrivagnour, ganet e Kervignag.

Komzoù :

Kanenn nevez Sant-Eflamm

Àr ho pazoù, O Sant-Eflamm
Holl e vennomp kerzhet divlamm
Sekourit-ni da vout berped
Gwir gristenion, gwir bretoned

Pell doc’h Arvor àr zouar Irland
Un herrad kent ar blez pemp kant
Ema ganet ar Sant karet
Ar sant er lec’h-mañ enoret

Tud Sant-Eflamm a zo rouane
a zo gwir gristenion ivez
D’o mab e tiskant a-vihan
É kariñ Doue monet d’an Neañv

Monet d’an Neañv é kariñ Doue
a vo desket da vab ar roue
Pellaat doc’h plijadur ar bed
e’it tañvaat ar gwir eürusted

Eflamm daouto d’e rank uhel
Dirak e Zoue berped izel
Eflamm, e-pad e yaouankiz
a ray skwer vat d’holl e vroiz

E’it achu ur brezel kalet
a rae bro Saoz d’an Irlanded
Tad Sant-Eflamm a goñsante
a reiñ e vab da verc’h ar roue

Neoazh ar Sant a huanade
ha gredusoc’h c’hoazh e pede
Da Zoue hepken ema gloestret
C’hoant e glaon ne chañjo ket

Gwraet eo kent pell an euredenn
Rak peoc’h an naou bobl er goulenn
Holl e vroiz ‘n em rejouise
Hag ar roue yaouank a ouele

D’e bried Santez-Honora
Ag an deiz-se, lâret a ra
en deus soñjet kuitaat e vro
ha d’ar bed lâret kenavo

Get tud yaouank èldoñ santel
E kreiz an noz, an noz teñvel
Eflamm en deus treuzet ar mor
ha douaret o deus en Arvor

E bro Treger ou deus douaret
ha lojelloù o deus savet
Lojelloù baour e kreiz ur c’hoad
Pell doc’h an dud, pell doc’h ar bed

E’it gwele, braset truegezh
n’o deus ‘med an douar yein ha noazh
E’it bevañs gwriad louzoù
E’it evaj doeur ar mammennoù

Er benijenn hag en daeroù
e tremen [] Sant e zeizioù
Evit ar c’horf deizioù poanius
E’it an eneañv deizioù bourrus

E buhez ar Sant e weler
eh eus neuze e bro Treger
Ur loen ken fall, aer pe dragon
ma lak ar spont e pep kalon

Goude m’en deus pedet gredus
Eflamm a lâr d’ar loen spontus
« Em daol er mor da vout beuzet »
hag an dragon en deus sentet

Èl Sant-Eflamm holl e venec’h
a gresk atav er santelezh
d’ar bihanañ e rant tri yun
tri yun a rant e pep sizhun

Lies e’it torriñ o naon
e kavant boued daet ag an Neañv
Un ael degaset a-bezh Doue
en o lojell o servije

Er mem amzer, pried ar sant
Honora rouanez an Irland
E’it monet da servijiñ Doue
a laoske kerent ha danvez

Ar Santez en ur vag dister
Doue he gwarne doc’h pep dañjer
Houlennoù ar mor a dreuzas
hag en Arvorig a zouaras

Àr zouar Arvor, hi ‘ deus komzet
Doc’h Eflamm he fried karet
Kent pell d’ur c’houvant a Gernev
Waet eo da dremen he buhez

Get e benijennoù kalet
korv Sant-Eflamm a zo drailhet
Drailhet ivez g(et) ar c’hleñved
An naon, ar sec’hed hag an oad

D’ar Sant pa dostay an Ankoù
Nend eo ket get poan, get daeroù
e welay ar marv é tonet
Get levenez ne lâran ket

D’e vreuder tolpet tro-ha-tro
Eflamm a lâr e’it kenavo
« àr-lerc’h ur vuhez ken paonius
mervel e peoc’h a zo bourrus »

Er gêr-mañ anvet ar Vouster
ar Sant a-c’houde pell amzer
get hon tadoù ‘ oa enoret
er vro a-bezh a oa pedet

Pedet a oa er vro a-bezh
hag ar chapel a oa re strizh
e’it ar vostad perc’hinderion
a zae da c’hounid ar pardon

Da Sant-Eflamm, hon Sant karet
ur chapel gaer hon eus savet
enni e peder gredusoc’h
ar pardonioù a zo kaeroc’h

Piv a lâray ar mirakloù
Piv a niveray ar gresoù
raet dre ar Sant da bep unan
Evit ar c’horf hag an eneñv ?

Pet gwezh èl e Kergamenan,
ar Sant en deus mouget an tan ?
E’it gwellaat pep droug, pep glac’har
Sant-Eflamm n’en deus ket e bar

O Sant-Eflamm sekourit-ni
ar yaouankiz, ar gozhoni
diskouezait atav d’hon daoulagad
ho puhez santel e’it skwer vat

E kalonoù ar vugale
lakait abred karantez Doue
a-dreist ar bed d’ar yaouankiz
diskouezait joaioù ar baradoez

D’ar re kozh sammet a boanioù
rait konfort, sec’hit o daeroù
D’an eneñvoù karget a c’hloaz
diskouezait hon Salver àr ar groaz

Er bed arall doc’h an tan-flamm
hon gwarantet, o Sant-Eflamm
ag an Neñv digorit an nor
d’ho pugale ag an Arvor