Chairman Shoukat Ali \\ Paranu Saaz

#ChairmanShoukatAli #SajidTasveerography

Jointly initiative by Bazm e Khowar and Quqnoos group on preservation of extinctive Chitrali tunes, held in Goldoor. Where a well known Chitrali Sitar Musician Chairman Shoukat Ali played different tunes named Quqnoso Hang+ Ali sher Khano Dani , Ghoru , Ghalwar, Shaghechi , Badaghshiwar , Sardar mitari Dani + Mir Wali metaro Dani, Siadoogh etc.
سیدوغ وا سیدوغو ہنگ

ظہور الحق دانش

سیدوغ محبتو ای غم آلود واقعو سوم متعلقہ کھوارو پرانو بشاؤنو۔ روایاتان مطابقہ سیدوغ تقریباً تروئے شور سال پرانو وختو بشاؤنو۔ ہمو ہنگو نام دی سیدوغو ہنگ۔ ہے واقعو وا ہے بشاؤنو تعلق خاص مستوجو سوم شیر۔
واقعہ ہݰ بیرائے کی عاشق و معشوق بو څیقیار ایغو سوم محبت کوراؤ استانی۔ ای وخت ہݰ گیتی شیر کی ہیتان محبت راز نو بہچی، لش لش بیتی سفانتے پتہ باؤ گیتی شیر۔ رشتو لُوؤ اژئیکو کیہ ہݰ وجہ بیتی شیر کی ہے ژورو نان تت ہے رشتا راضی نو بیتی اسونی۔ وا ہروݰ تان چقہ ژورو خور موشوتے دیتی اسونی۔
ہتے وختہ سین مستوجو پرانو نوغورو گوݯو بوغاؤ استائے۔ وا اسناترو ڈاقان ہیرا گیاؤ اوسنیئکو مقابلہ کوراک بیرانی، ای جشنو منظر باک بیرائے۔ صفدر نامین ہے عاشق جوان دی بو مشہور اسناترو بیرائے۔
ای مکالا ہݰ بیتی شیر کی ہے ژاغا اوسنئیکو زبردست مقابلہ بیتی شیر۔ ہے مقابلا ہے جوان دی تان مہارتو پاشئے اسور۔ ہے جشن پوروزیکار اچی ہتے کومورو موشوتے کا لُو دیتی اسونی کی تہ بوک نوغورو کھانجو گوݯی کھوشت بیتی صفدرو اوسنیئکو لوڑاؤ اوشوئے رے۔ ہے لُوا ہتے موش انگار ݯوکی بی اسور وا وخت لوڑی حال بیتی اسور۔
ای انوسو صفدر نامین ہے جوان ہتے ژاغا گیتی اوسنئیاوا ہیس ہتو ماری اوغو درے اسور۔
ہݰ رونو بویان کی ہتو ماری اوغو دریکار اچی ہمی کاڑومان ہتو ہتے معشوق کومورو گلائی وا نالہ حسابہ توغوتے باشئے اسور۔ وا ای روایتہ ہݰ دی رینیان کی ہمی کاڑومان ہتے ڈقو نان توغوتے مرثیہ حسابہ باشئے اسور۔
بہرحال بشاؤنو کاڑومان وا لفظان انتخابو لوڑیکو ہیہ کومورو ویݰکیار ساریران۔ ہیہ بشاؤنوتے وا ہنگوتے "سیدوغ" نام نیشیکو وجہ ہیہ کی ہتے جوان سیّد بیرائے۔
ای کما کاڑوم ہموݰ شینی:

عاشق تو تان بیتی لا مہ ژانئے
بَینام مہ کو کوسان لا اولادئے

چواڑاؤ چوئنجوتے گیے لا مہ ژانئے
اوغو پھینان څوپے لا اولادئے

اوا تان ݯھیکو بچے کیہ مہ ژانئے
چَھنی ژاؤک کوروم لا مہ ژانئے

چھانیو دریل کوݰیم لا مہ ژانئے
مہ ݯھیک اوسناؤ گیسیر لا مہ ژانئے

دریلو دی جم پھووے لا مہ ژانئے
اوسنانو جم لوڑے لا سیدئے
۔۔۔۔۔۔

حوالہ:
1۔ غلام عمر، چترال کی لوک کہانیاں
2. چئیرمین شوکت علی، مشقولگی

سیدوغو ہنگ