Alyaa Gad - Vagina Talk معلومات أساسية عن المهبل

Alyaa Gad - Vagina Talk معلومات أساسية عن المهبل
الفيديو دة لحبايبي البنات ها أكلمكم كلام مخصوص خاص لنا بينا إحنا الأتنين عن المهبل حاجات لازم تعرفيها عن المهبل علشان تكون حياتك العاطفية والجنسية والزوجية تكون كويسة وسعيدة أولا إحنا عندنا السيدات 3 فتحات من أسفل الجسم يعني عندنا فتحة لخروج البول وفتحة للمهبل وفتحة للشرج يبقى فتحة المهبل موجودة هي الوسطانية الموجودة في الجزء الأسفل من الجسم والوصول لها أحيانا بيكون صعب للمتزوجين حديثا لأنهم مش عارفين مكانها فين هي الفتحة بالظبط اللي في الوسط الفتحة الأخرانية بتكون بعيدة أوي في الأخر فا هتلاقي كدة مسافة كدة وبعدين هتلاقي فتحة للشرج ما تعمليش أبدا دش جوة المهبل بمياه قوية وصابون أبدا ما تنظفيش المهبل من جوة لازم يفضل المهبل من جوة سليم جداره من غير أي حاجة تؤثر على توازنه الحمضي التنظيف يكون بس من برة ومش لازم صابون أرتدي الملابس قطنية بتقلل الإصابة بالتهابات المهبل الفطرية وبتخلي ريحة المنطقة التناسلية أحسن كل شفاه ومهبل لهم مظهر مختلف من سيدة للتانية ماتخديش الأفلام الجنسية كمرجع لكِ في الحاجات دي لأنه السيدات دول عاملين عمليات وحاطين ماكياج وكدة فا أنتِ ما تحسيش بأن أنتِ مش حلوة أو يعني شكلك مش طبيعي لا لو أنتِ حاسة إنه في حاجة مضايقاكِ ممكن تتوجهي لطبيب هو أو السيدة الطبيبة تحكم إذا كان في حاجة مش طبيعية في أغلب الأحيان هو كدة شكل كل واحدة مختلف من عند منطقة المهبل زي ما وجهها مختلف فا ماتحسيش بأنك مختلفة أو وحشة أو كدة في بعض البنات بيشتكوا من إن لون المنطقة حول المهبل غامق دة يعني زي نفس فكرة إنه لون الحلمات غامق يعني هو كدة لونه لكن لو أنت متضايقة ممكن في كريمات بس تكون حاجات ماركات كويسة وموثوق فيها لأن الحاجات الكيماوية الزيادة مش مطلوبة أنك تستعمليها في المنطقة دي بالذات لو مضايقك شكل المهبل في عمليات تصحيحية لكن دة لازم بموافقتك وماحدش يضغط عليكِ وتكون حاجة قرار منك أنتِ كمية الإفرازات اللي بتخرج من المهبل تختلف من سيدة لأخرى لكن مهم تتابعيها في لونها وريحتها لو تغير اللون عن أبيض أو بيج كدة أو أصفر وأبتدى يبقى بني دايما أو أزرق أو أخضر يبقى فيه مشكلة وكمان الريحة لو تحولت لريحة سمك أو جبنة أو كدة بنقول عليها في عدوى أو مشكلة ما لازم تتحل المهبل له جدار والجدار دة بيتكون من عضلات والعضلات دي بالتمرين حواليها كمان عضلات بالتمرين بتقوى وبيحسن أدائك الزوجي فا في حاجة اسمها تمرينات كيجل إن أنتِ بتقبضي الأرضية بتاعة الحوض علشان تحسني من حالة عضلات المهبل بالذات لو أنتِ بعد الولادة حاسة بضعف في العضلات لو أنتِ بتدوري على الـ G-Spot المنطقة الموجودة في المهبل في الجدار الأمامي للمهبل هي أنك تلاقيها مش سهل أوي يعني ومش متخيلة إنها موجودة عند كل السيدات لكن بتوصل بالاتصال الجنسي الحميم في وضع معين خليكِ صبورة مش كل السيدات بيلاقوها بسهولة ومش كل السيدات بيوصلوا للنشوة عن طريق الـ G-Spot اللي هي جوة المهبل كما وصفها العالم قرارك أنك تزيلي الشعر اللي على الشفاه الغليظة من برة دة قرارك أنتِ يعني مش لازم تكوني تحت ضغط ثقافة معينة هو بس عاوزة أقول لكِ إنه الشعيرات دي بتحميكِ من البكتيريا ويعني مافيش داعي تزيليها إلا لظروف مثلا جوزك بيحب.....

Subscribe to official Alyaa Gad channel : http://bit.ly/AlyaaGad

Follow Alyaa Gad :
http://www.afham.tv
  / dr.alyaagad  
  / alyaagad