Atakan Mahir: Zimanê Dilê Min (Kalbimin Dili)- Helbestên Kurdî(En Güzel Kürtçe Şiirler)

Atakan Mahir: Zimanê Dilê Min- Kalbimin Dili- Helbestên Kurdî (En Güzel Kürtçe Şiirler)

Ev helbest "Zimanê Dilê" Fermandar Atakan e ...Atakan Mahir'in Kalbimin Dili

Dewrêşê Çiyan Fermandar Atakan weke ava zelal a çemê Mûnzûrê ji vê jiyanê herikî û çû ...

HEVALÊN EZÎZ,

ARMANCA ME XIZMETA ZIMAN Û ÇANDA KURDÎ YE. BI ABONE BÛNA QENALÊ Û ECIBANDIN, ŞÎROVE Û PARVE KIRINA VÎDEOYAN HÛN JÎ DIKARIN ALÎKARIYA ME BIKIN Û BIBIN PERÇEKÎ VÊ XEBATÊ

Ji bo abonebûnê lînka qenalê👇    / @firatbaran  

ZIMANÊ DILÊ MIN

Ku ez rojekê bikevim û dirêjî erdê bibim
Heke tu ji termê min ê qêrîna şer veneciqe
Xwe bi ser min de xwarke û min maçîke...

Mîna axa ziwa ku hesretî avê ye
Bi dilovanîya dayika dirêjî dergûşê dibe
Wek destê bawerîyê ku bi sembola pîroz dibe
Bi bêrîkirina dilopa avê ku dikeve axê
Wekî yarê...

Bêje ku zaroka qereçîya me
Li pişta dîya xwe wek buxçikek pînekirî
Nîv tazî, gerok û cêlî
Di dest de parîyek nan ku nû ji çopê hatiye derxistin
Dest û rûyê wî di nav gemarê de
Paqijyê nizane
Di dilê min ê dildarê avêye de
Valahîyek...

Bêje ku zarokê mêtingehê me
Di nav deştek mezin de
Ez ê pêxwaz
Hinek dilşikestî, hinek xeyidandî
Hinekî serhildêr û dîsa valahîyek di dilê min de...

Bêje ku gelek gelek tenêtî me
Hewcedarê hembêzkirinê me
Xwe bi ser min de xwarke û min maçîke...
Bîna gulan nêbe jî ji gewdê min
Mîna gundên Kurdistanê yên vala, xerabe, bêhna arîyê jê tê û ji şopa nigên zarokan dûr,
Hatibim ji bîr kirin di rûpela şer de
Ku ne di nav hevrîşimê spî de bim jî
Di tazîtî û xwerûtîya xwezayê de
Heke ketibim mesela
Him jî di şer de
Ji gewdê min ji te re
Dilê min, ramana min
Ku qelafetê min ê pelê biharê bimîne jî
An jî
Perçek wecê min...
Ku tu veneciqe
Xwar be û min maçîke
Lê belê negrî...

Çeka xwe bispêr çeka min
Bera kulma te di kulma min de jidyayî bimîne
Şewqa di çavên min de wek rêya xwe bibîne
Bera rehetîya min a bêdawî bibe hêvîya te
Tu yê bêje pelek ji dara berûyê ket
Tu yê rahêjî û bîn bikî
Belkî dilê te jan bide
De bera ewqas jî bibe ya Rêheval!

Ji bîr neke ku
Em ne gerîlayên çaxa Mesîh,
Yên çaxa fezayê ne.
Ne Spartakus wekî me jîn kir
Ne jî Che mîna me şer kir.

Helbet wê gewdeyên me bibin berdêl
Ji bo mizgînîya ezmanê şîn û bê ewr
Bera be ya Rêheval!
Zeftkirina rojê ne nêzîk e
Me roj êdî zeftkiriye
Berbang êdî ya me ye
Strana me dû dirêj lêdixe
Çiya sekinîne govendê
Zarokên me wek bayê delodîn in
Binere
Ji gundan dengên dîkan jî tê
Û rengê xwe daye ewran ala me
Ne keskesor e ya ku Kurdistan dorpêç kirye
Navê vê jiyana nû ye
De bera azadî ji te re be ya Rêheval.


Helbest: Atakan Mahir (Kalbimin Dili)
Werger: Firat Baran