#ព្រះបន្ទូលនៃសេចក្ដីពិតសម្រាប់ថ្ងៃពុធ

#ចំណងជើងវីដេអូ៖ «តាមរយៈទ្រង់ យើងតែងតែឈ្នះ» Through Him, We Always Prevail

#រៀបរៀងឡើងដោយ Pastor Chris

#ព្រះបន្ទូលនៃសេចក្ដីពិតសម្រាប់ថ្ងៃពុធ ទី១៨ ខែមិថុនា ឆ្នាំ២០២៥។

«តាមរយៈទ្រង់ យើងតែងតែឈ្នះ» Through Him, We Always Prevail

#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»

«ឯ​អេសា​ទ្រង់​អំពាវនាវ​ដល់​ព្រះយេហូវ៉ា ជា​ព្រះ​នៃ​ទ្រង់​ថា…សូម​ជួយ​យើង​ខ្ញុំ​ផង ដ្បិត​យើង​ខ្ញុំ​ផ្អែក​លើ​ទ្រង់​ជា​ទី​ពឹង គឺ​ដោយ​នៅ​តែ​ព្រះនាម​ទ្រង់​ប៉ុណ្ណោះ ដែល​យើង​រាល់​គ្នា​បាន​មក ទាស់​នឹង​ពួក​មាន​គ្នា​ច្រើន​ទាំង​នេះ ឱ​ព្រះយេហូវ៉ា​អើយ ទ្រង់​ជា​ព្រះ​នៃ​យើង​រាល់​គ្នា សូម​កុំ​ឲ្យ​មនុស្ស​ឈ្នះ​ទ្រង់​ឡើយ» (របាក្សត្រទី២ ១៤:១១)។

មានសាច់រឿងនៃសង្គ្រាមដ៏អស្ចារ្យមួយ នៅក្នុងសម័យអេសា ជាស្ដេចសាសន៍យូដា។ ព្រះគម្ពីរបានប្រាប់យើងនៅក្នុងរបាក្សត្រទី២ ១៤:៩ ថា សេរ៉ា ជាជនជាតិអេធីយ៉ូពីបានមកតទល់នឹងសាសន៍យូដា ជាមួយនឹងកងទ័ពមួយលាននាក់ និងរទេះចម្បាំងបីរយគ្រឿង, នោះគឺជាកម្លាំងដ៏ច្រើនលើសលប់។ ប៉ុន្តែអេសាមិនបានភ័យខ្លាចឡើយ, ផ្ទុយទៅវិញ គាត់បានចេញទៅប្រឈមមុខនឹងពួកគេ ដោយរៀបចំការប្រយុទ្ធនៅជ្រលងភ្នំសេផាថា នៅម៉ារេសា។

បន្ទាប់មកអេសាបានធ្វើអ្វីមួយដែលគួរឲ្យចាប់អារម្មណ៍ខ្លាំងណាស់។ គាត់បានអំពាវនាវដល់ព្រះយេហូវ៉ាជាព្រះរបស់គាត់ ដើម្បីសុំជំនួយ! ទោះបីជាមានចំនួនតិចជាងឆ្ងាយណាស់ក៏ដោយ អេសាដឹងថា គាត់ត្រូវការអស្ចារ្យ នោះហើយជាហេតុដែលគាត់មានការទុកចិត្តនឹងព្រះអម្ចាស់ជានិច្ច។ គាត់បានដឹងថា ចំនួនតួលេខ វាមិនមានអត្ថន័យន័យអ្វីសម្រាប់ព្រះទេ។ ភាពជឿជាក់របស់គាត់ គឺជាព្រះនាមរបស់ព្រះអម្ចាស់។ គាត់បាននិយាយថា៖ «គឺ​ដោយ​នៅ​តែ​ព្រះនាម​ទ្រង់​ប៉ុណ្ណោះ ដែល​យើង​រាល់​គ្នា​បាន​មក ទាស់​នឹង​ពួក​មាន​គ្នា​ច្រើន​ទាំង​នេះ ឱ​ព្រះយេហូវ៉ា​អើយ ទ្រង់​ជា​ព្រះ​នៃ​យើង​រាល់​គ្នា សូម​កុំ​ឲ្យ​មនុស្ស​ឈ្នះ​ទ្រង់​ឡើយ»។ តើនេះគឺសេចក្ដីជំនឿដ៏អង់អាចក្លាហានអ្វីម្ល៉េះទេ!

អេសាបានដឹងយ៉ាងច្បាស់ថា ជីវិតត្រូវបានគ្រប់គ្រងពីអាណាចក្រខាងឯវិញ្ញាណ, ដូច្នេះគាត់បានមើលហួសលើសពីគុណសម្បត្តិនៃបែបមើលឃើញរបស់សត្រូវ ហើយបានឃើញថា ព្រះអម្ចាស់ពិតជាជំនួយរបស់គាត់មែន។ នេះគឺជាទស្សនៈគំនិតដែលអ្នកត្រូវតែមានគ្រប់ពេល, មិនថា មានការប្រឆាំងបៀតបៀន ដោយអំណាច ឥទ្ធិពល ឬអំពើអាក្រក់របស់សត្រូវប៉ុណ្ណានោះទេ ព្រះអង្គដែលគង់នៅក្នុងអ្នក គឺទ្រង់ធំជាងសាតាំង និងបក្ខពួករបស់វា។ ពួកវាអាចមើលទៅហាក់ដូចជាគួរឲ្យខ្លាច ប៉ុន្តែពួកវាទន់ខ្សោយ ហើយអ្នកខ្លាំងអ្វីនោះទេ។ ពាក្យសម្ដីរបស់ពួកវា គឺទទេ ប៉ុន្តែពាក្យសម្ដីរបស់អ្នកវិញ គឺពោរពេញដោយសិទ្ធិអំណាចរបស់ព្រះ។

លទ្ធផលនៃការអធិស្ឋានរបស់អេសាគឺអស្ចារ្យណាស់។ ព្រះគម្ពីរចែងថា៖ «ដូច្នេះ ព្រះយេហូវ៉ា​ទ្រង់​ក៏​វាយ​ពួក​អេធីអូពី នៅ​ចំពោះ​អេសា និង​ពួក​យូដា ឲ្យ​គេ​បាក់​ទ័ព​រត់​ទៅ» (របាក្សត្រទី២ ១៤:១២)។ ពួកសត្រូវបានរត់គេចខ្លួនចេញ ទោះបីជាមានចំនួនច្រើនលើសលប់ក៏ដោយ ហើយអេសា និងគ្នីគ្នារបស់គាត់ បានដេញតាមពួកគេរហូតដល់ក្រុងហ្គេរ៉ា ដោយកម្ទេចពួកគេទាំងស្រុង។

ព្រះគម្ពីរចែងថា រួច​អេសា និង​ពួក​ពល​ដែល​នៅ​ជា​មួយ ក៏​ដេញ​តាម​ទៅ រហូត​ដល់​ក្រុង​កេរ៉ា ហើយ​ពួក​អេធីអូពី គេ​ដួល​ស្លាប់​ជា​ច្រើន​ណាស់ ដល់​ម៉្លេះ​បាន​ជា​គេ​ងើប​ឡើង ឲ្យ​មាន​កំឡាំង​ទៀត​មិន​បាន ពី​ព្រោះ​គេ​ត្រូវ​បាក់​បែក នៅ​ចំពោះ​ព្រះយេហូវ៉ា ហើយ​ចំពោះ​ពលទ័ព​របស់​ទ្រង់ ពួក​ខាង​អេសា​ក៏​ចាប់​យក​បាន​របឹប​យ៉ាង​សន្ធឹក (របាក្សត្រទី២ ១៤:១៣)។ ជ័យជម្នះនោះ គឺទាំងស្រុង។ សូមអានរបាក្សត្រទី២ ១៤:១៤-១៥។ សេចក្ដីគ្រោធនៃព្រះយេហូវ៉ាបានធ្លាក់មកលើសត្រូវរបស់ខ្លួន ហើយពួកសាសន៍យូដាវិញ បានចម្រើនឡើង។ ព្រះរបស់យើង គឺទ្រង់ពិតជាអស្ចារ្យណាស់, ដូច្នេះ នៅពេលអ្នកប្រឈមមុខនឹងបញ្ហា សូមកុំភ័យញាប់ញ័រ, សូមផ្តោតលើទ្រង់។ ដ្បិតអី ព្រះអង្គ គឺជាជំនួយរបស់អ្នក ហើយតាមរយៈទ្រង់ អ្នកតែងតែឈ្នះ។ ហាលេលូយ៉ា!

#ការអធិស្ឋាន
ឱព្រះវរបិតាជាទីស្រឡាញ់អើយ ព្រះអង្គជាកម្លាំង និងជាជ័យជម្នះរបស់ទូលបង្គំ។ ទូលបង្គំឈរមាំក្នុងសេចក្ដីជំនឿនេះបាន ដោយសារតែទូលបង្គំ តែងតែប្រកាសព្រះបន្ទូលរបស់ទ្រង់ ដោយដឹងថា អំណាចទាំងអស់ជាកម្មសិទ្ធិរបស់ព្រះអង្គ។ ទូលបង្គំសូមអរព្រះគុណព្រះអង្គ ដែលតែងតែធ្វើឲ្យទូលបង្គំមានជ័យជម្នះនៅក្នុងព្រះគ្រីស្ទ។ ទូលបង្គំសូមអធិស្ឋាននៅក្នុងព្រះនាមព្រះយេស៊ូវ។ អាម៉ែន។

#ការសិក្សាបន្ថែម៖ ទំនុកតម្កើង ២០:៧-៨ រ៉ូម ៨:៣៧ ពង្សាវតារក្សត្រទី២ ៦:១៦