قصة عطش || الرادود عبدالمنعم مرزوق || ليلة الخامس من محرم الحرام 1445 هـ
Автор: AlKawthar Media
Загружено: 2023-08-10
Просмотров: 808
قصيدة " #قصة_عطش "
أداء الرادود : #عبدالمنعم_مرزوق
كلمات الشاعر : #أحمد_عبدالهادي
ليلة الخامس من محرم الحرام 1445 هـ
موكب عزاء النعيم
التصوير :
الكوثر ميديا
المونتاج :
الكوثر ميديا
الهندسة الصوتية : علي القلاف
WhatsApp: +973 33575231
#الكوثر_ميديا
كربلا ظلال العرش .. امتدت اعلى الشيعة في
أحيت العز والقيم .. وشعت لدين الله ضي
ومو من الماي العذب .. تروي صدر الدنيا ري
معجزتها من العطش .. الله جاعل كلشي حي
العطش بالطف نهر .. واسأل اعليه النحر
اشسوت وحوش البشر .. بافجع المذابح
العطش سهم القدر .. بمنحر الطفل استقر
العطش جف القمر .. بالشريعة طايح
دمع انذرف .. طفل نزف
آه وأسف .. على قلبه
نار التهب .. لا ما شرب
شنهو السبب .. شنو ذنبه
بكربلا اول درس .. غيرة قلبي يحترق
ولولا نسمات العطش .. صدري ميت يختنق
وامشي بالحق ما يهم .. وين ايوديني العشق
المهم يا كربلا .. للأبد ما نفترق
ابّالي طفل حسين ابد .. منذبح ظامي الولد
دمه عل صدره جمد .. وبخيالي صوته
بصدر لحسين انرمى .. واسأل الله وفاطمة
روحي تتلف بالظما .. حسرتي اعلى موته
ويظهر إلي .. بصدري الولي
لصغر علي .. واله همي
من يرفعه .. والمشرعة
ما تسمعه .. بقى مرمي
###
واقول الليلة كلمات الك واسمع يلفرات
ويكل ماي الأرض يالصافي بزلاله
ابد مَتذلنا هيهات ولا تخضع لك الذات
من اجيال الامامية افهم الرسالة
هذا موقفنا ونسجله و النهر خل يسمعه
اليظن للماي ايذلنا والله يجهل موضعه
كلنا نحلف بالكرامة وبالحسين و مصرعه
ما نخون احنا العطش عهد بدمانا نوقعه
مصيبة و آلالام .. جرح ميلتام .. نشيله ايتام
مدامع العين .. قليلة لحسين
ولو القلب التهب نار المروة دين الاحرار
تظل حية الضماير ترفض المهانة
واذا ما عشنا انصار ابد ما نملك اعذار
تعلمنا الظما ال بيه ننصر الديانه
ايظل امانة عدنا ميراث الكرامة بكربلا
ما نريد احنا النهر لا حاشى مل نتوسله
شلون الى القطرة نمد جف المذلة ونسأله
واحنا اخذنا العزة كلها امن الشفاه الذابلة
وعلى الجراحات .. على العذابات .. نعلّي رايات
وكل نَفس دَين .. قليلة لحسين
####
من غيرة حسين .. من عزة الدين
نرفع عناوين .. ومن ابو فاضل
متغرنا لحلام .. والدنيا ايام
ونخضع لَلِسلام .. ونرفض الباطل
وعد لحرار .. كلمة نحجيها
حياة ايثار .. لله نقضيها
ودنيا العار .. ما نصد ليها
بعزة العاشر .. ودمه الثاير
حِلم انتمناه .. لو كنا وياه
نتشارك الآه .. بالقلب حسرة
نقضي اعلى لِجروح .. والعبرة والنوح
كل ظامي مذبوح .. ما شرب قطرة
تروح نحور .. دونه ما تروى
نهج عاشور .. غيره ما تهوى
حسين النور .. جنة المأوى
نشيل الراية .. لقدس غاية
Доступные форматы для скачивания:
Скачать видео mp4
-
Информация по загрузке:
