GAANO KABAGSIK SI ABU DAR?

Tol matapos ang pagkamatay nina Omar Maute at Isnilon Hapilon ay may pumalit umanong pinakapinuno ng mga natitirang terorista at pumalit din umano sa pagkaemir ni Isnilon Hapilon. Kung ang mga nauna ay mahahaba ang buhok ang terorista namang ito ay kalbo pero mabagsik na tao. Kung titignan mukhang hindi rin makabasag pinggan, pangiti ngiti lang pero sinasabing mahilig daw talaga ito sa violent extremism. Mahilig siya sa lecture tungkol sa “jihad”, magaling sa bomba, at tinuruan niya ang kanyang mga tauhan na pat4yin ang sinumang itinuturing na kalaban ng kanilang paniniwala. Sa mata ng militar, siya na ang pinakaimportanteng target sa Lanao: ang natitirang lider na pwedeng magbalik ng bangungot ng Marawi sa ibang bayan at posibleng ang susunod na target nito ang Metro Manila.

Si Owayda Benito Marohombsar(Humam Abdul Najid), o mas kilala bilang Abu Dar, ay kilalang eksperto sa paggawa ng bomba at very knowledgeable sa Qur’an. Siya ang founder ng Khilafah Islamiyah Movement, isang insurgent group na nabuo bandang 2012 na naglunsad ng sunod-sunod na pambobomba sa Mindanao. May ugnayan din umano si Abu Dar sa Al Qaeda in Iraq, dahilan para tawagin siyang “al Zarqawi of the Philippines,”. Ang AQI ang kalauna’y naging Islamic State, kung saan nanumpa siya ng katapatan noong 2014. Si Abu Dar ay isa rin sa mga utak sa Marawi Siege noong 2017 – ang pinakamahabang urban warfare sa kasaysayan ng Pilipinas na nagresulta sa mahigit 1,000 nasawi. Bilang pinuno, kinatakutan si Abu Dar dahil sa kanyang kalupitan at tindi sa pakikidigma: iniulat ng militar na tinuruan niya ang kanyang mga tauhan na pat4yin ang sinumang itinuturing na “infidel” o kalaban ng kanilang pananalig. Subalit sa kabila ng kanyang bangis, nakilala rin si Abu Dar bilang isang karismatikong tagapagsalita at mahusay magrekrut – mas mahusay pa raw magsalita kaysa kay Omar Maute – kaya’t maraming nahikayat na sumapi sa kanyang kilusan. Hindi masyadong dokumentado ang kabataan ni Abu Dar; ang alam lamang ay tubong Pagayawan, Lanao del Sur siya. Ayon sa ilang ulat ng intelihensya, si Owayda Marohombsar ay kamag-anak (pinsan) ng mga magkakapatid na Maute. Sa murang edad ay nahilig si Owayda sa pag-aaral ng Islam. Nag-aral siya sa isang Islamic school sa Baguio City partikular sa Almaarif school na malayo sa kanyang bayan, at dito umano nagsimula ang kanyang radikalisasyon o pagsandig sa ekstremistang ideolohiya.

True Crime Tagalog | Tagalog Crime Stories