Ummat E Musalma m sab s Afzal kon???? Islamic historical speech

Ummat E Musalma m sab s Afzal kon???? Islamic historical speech #bandyalvi speeches2025
أفضل البشر بعد الأنبياء بالتحقيق* خاص یہ جملہ کلمۂ حدیث نہیں ہے، بلکہ متعدد احادیث کریمہ، اور اقوالِ فقہا و متکلمین کا خلاصہ ہے. اور اہل سنت وجماعت کے اجماعی عقیدہ : أفضلیت صدیق اکبر رضی اللہ کی ترجمانی پر مشتمل مختصر سا جملہ ہے. جسے دنیا کے مختلف خطوں میں نماز جمعہ سے قبل ہونے والے خطبۂ متوارثہ میں بالالتزام پڑھا جاتا ہے.

دراصل جس طرح نبی کریم ﷺ تمام انبیاء کرام علیہم السلام پر فضیلت رکھتے ہیں، یوں ہی آپ کی امت کو سابقہ تمام امتوں پر فضیلت کا شرف حاصل ہے. پھر تمام امت محمدیہ میں صحابہ کرام رضی اللہ عنہم اجمعین سب سے افضل قرار پائے، پھر حضرات صحابۂ کرام میں وہ مہاجرین جنھیں سابقین اولین ہونے کا شرف حاصل ہے. پھر ان میں بھی وہ دس خوش نصیب حضرات جنھوں نے زبانِ رسالت مآب ﷺ سے دنیا ہی میں جنتی ہونے کا مژدہ پایا، پھر ان عشرۂ مبشرہ میں حضرات خلفائے راشدین رضوان اللہ تعالیٰ علیہم اجمعین کو تمام پر فضیلت حاصل ہے. اور ان چار یاروں میں بھی یارغار حضرت سیدنا صدیق اکبر رضی اللہ تعالٰی عنہ کو تمام پر فضیلت حاصل ہے. یہ باتیں مستحکم دلائل پر مبنی ہیں. تفصیل کے لیے متعلقہ کتب کا مطالعہ کیا جاسکتا ہے. أفضل البشر بعد الأنبياء بالتحقيق اسی عقیدۂ اہل سنت کو مختصر لفظوں میں بیان کردیتا ہے.

اس اجمال کی کچھ تفصیل یوں ہے :

💎 أفضلیت صدیق اکبر _ حدیث کی روشنی میں

⚡ حضرت عمرو بن العاص رضي الله عنه سے روایت ہے کہ جب انھوں نے نبی کریم ﷺ سے استفسار کیا کہ : آپ کے نزدیک مردوں میں سب زیادہ محبوب کون ہے؟ إرشاد فرمایا : أبوبکر. حدیث کے الفاظ ہیں :

أن النبي صلى الله عليه وسلم بعثه على جيش ذات السلاسل فأتيته فقلت: أي الناس أحب إليك؟ قال: “عائشة” فقلت من الرجال؟ قال: “أبوها” قلت ثم من؟ قال: ” ثم عمر بن الخطاب” فعد رجالاً .[رواہ الشیخان]

⚡️ حضرت عائشة رضي الله عنها کی روایت ہے کہ سقيفۂ بنی ساعدہ کے موقع پر امیر المومنین حضرت عمر رضی اللہ عنہ نے حضرت صدیق اکبر رضی اللہ عنہ کے بارے میں ارشاد فرمایا : آپ ہمارے سردار، ہم میں سب سے بہتر اور رسول اللہ صلی اللہ علیہ وسلم کے سب زیادہ محبوب ہیں یہ ایک طویل حدیث ہے جس کے بعض الفاظ ہیں :

وفيه أن أبا بكر قال للأنصار: ( ولكنا الأمراء وأنتم الوزراء هم أوسط العرب دارا، وأعربهم أحسانا، فبايعوا عمر بن الخطاب أو أبا عبيدة بن الجراح فقال عمر بل نبايعك أنت فأنت سيدنا وخيرنا وأحبنا إلى رسول الله صلى الله عليه وسلم فأخذ عمر بيده فبايعه وبايعه الناس (رواہ البخاری ) .

✨ چوتھے خلیفۂ راشد باب العلم حضرت علی رضی اللہ عنہ سے جب ان کے صاحبزادے حضرت محمد بن الحنفیہ نے پوچھا کہ رسول اللہ ﷺ کے بعد لوگوں میں کون سب سے بہتر ہے.؟ تو حضرت علی رضی اللہ عنہ نے ارشاد فرمایا : ابوبکر