XALQARO BAG'RIKENGLIK TANTANALARI

16 noyabr – “Xalqaro bag‘rikenglik kuni” O‘zbekistonda davlat siyosatining ustuvor yo‘nalishlaridan biri – jamiyatda millatlararo totuvlik va diniy bag‘rikenglikni ta’minlash do‘stlik muhiti va ko‘p millatli yagona oila tuyg‘usini mustahkamlashni nazarda tutadi. Yurtimizda o‘tkazilayotgan Bag‘rikenglik haftaligi, ushbu tushunchaning mazmun-mohiyatini yanada kengroq targ’ib etishga xizmat qilmoqda Buxoroda tashkil etilayotgan tantanalar misolida mavzuni davom ettiramiz


Bugungi kunda mamlakatimizda istiqomat qilayotgan 130 dan ziyod millat va elat vakillari Konstitutsiya hamda qonunlarimizda qayd etilgan teng huquq va imkoniyatdan foydalanib, turli sohalarda samarali mehnat qilib kelmoqda. YUNESKO doirasida dunyoda tinchlikni mustahkamlash, dinlar va konfessiyalararo muloqot o‘rnatish, millat va elatlar o‘rtasida hamkorlikni rivojlantirish yo‘lida qator ishlar amalga oshirilmoqda. Bu borada qabul qilingan bag‘rikenglikka oid 70 dan ziyod xalqaro hujjatlar orasida “Bag‘rikenglik tamoyillari deklaratsiyasi” muhim o‘rin tutadi. Mazkur hujjat asosida butun dunyoda, jumladan O‘zbekistonda ham “Xalqaro bag‘rikenglik kuni” keng nishonlanadi. Sana munosabati bilan Buxoroda tashkil etilayotgan tantanalar ham yuqori kayfiyatda bo’lib o’tmoqda

O’zbekiston Bizning umumiy uyimizdir biz bu yerda bir oila kabi hamjihatlikda tinch totuv yashaymiz. Bayramu tuylarimiz diniy ibodatlarimizni emin erkin bajaramiz shu yurt taraqqiyoti uchun hamjihatlikda mehnat qilamiz va bolalarimiz ham shu yurtda baxtli kamol topmoqda. Hammamiz uchun birdek aziz bo’lgan bu vatanda osuda hayotni ta’minlab bergan prezidentimizga rahmat

“Xalqaro bag‘rikenglik kuni” munosabati bilan tashkil etib kelinayotgan turli bayram va tadbirlarda har bir millat vakillarining rang barang chiqishlarida shu yurtda yashash baxti va shukroasi aks etmoqda


Barcha millat va elat vakillari uchun bir xil sharoit teng huquqlar yaratilgan eng muhimi tinchlik barqarorligi menimcha inson uchun bundan ortiq baxt bo’lmasa kerak Ana shu osoyishtalik omili bo‘lgan diniy bag‘rikenglik tamoyilini yanada mustahkamlashga diyorimizda alohida e’tibor qaratilmoqda. Turli e’tiqodga ega millatlar bir zaminda buyuk g‘oya va sof niyat yo‘lida hamjixat yashashi esa bag‘rikenglikning yaqqol ifodasidir


Bunday tadbirlar turli millatlarni jipslashtirish, jamiyatda ko‘p millatli yagona ahil oila tuyg‘usini qaror toptirish, mamlakatimizda millatlararo totuvlikni yanada mustahkamlashga xizmat qiladi. Yosh avlodni Vatanga sadoqat ruhida tarbiyalash, shuningdek bag‘rikenglikka asoslangan millatlararo muomala madaniyati his-tuyg‘usini kuchaytirishga zamin yaratadi.