شيلة مقدم الهيلا وركنٍ مذري ومعروف ، والله ماينشدني الله عن مدح ارخمه | اداء جفران بن هضبان

بين تحقيق الطموحات واجهاد الظروف
انخلق فذٍ من الفكر يصنع ملحمه

يحمل آمال الاكابر وسادات الصفوف
ويبني الامجاد من دفتره ومن اقلمه

الليالي مدرسه والليالي ما تروف
من ماعلمه الزمن عاد من بـ يعلمه

ماخلقنا نتبع شفوف ونداري شفوف
والرجل ما يوخذ الا بما ينطق فمه

المخبّا تكشفه زلة لسان الزهوف
والتغاضي عن كلام الجبان يسممه

والعبر فاللي من الكبر كنه ما يشوف
ولا يخلي من لحوم الاجاويد لحمه

الغرور يورث الذل وابن آدم شغوف
لو رزق الناس عنده عن الناس احرمه

يا نسانيس البراد الفحي صدر العيوف
والله ان الضيق مثر على جر انسمه

ياخذ الدنيا سعة خاطر ورغبه وخوف
والتردد يذبح الفرصه المتولمه

شاعرٍ مانيب امجد ولا المع اضعوف
والله ما ينشدني الله عن مدح ارخمه

خايف اغش الاوادم وتاكلني الحسوف
واعطي اللي فاقد المدح مدحه واظلمه

يستحقه هيلعن له فالارقاب امعروف
لا انكشف زيف المظاهر وطاحت لالثمه

عيني تقز الدواهي ولا قامت تشوف
غير ضلعٍ تدهر ناره بـ راس اعلمه

اسمٍ فعوله تحط النقط فوق الحروف
ماهيب في حاجة اعلام ولاّ مقدمه

هذا نايف جعل نايف امجار من الصدوف
معلمٍ ما غاب ذكره ولا طاح اسهمه

مقدم الهيلا وركنٍ امذرّي وامعروف
تدّرج حدره كبار العمم والاوسمه

اصوكٍ ما يضرب الصف والنيه نكوف
ليث قومٍ ما بعد وخذ صيده من فمه

من ورا قدح الحمايا ومن دحم الكتوف
علّق ابن فهيد صيته بـ روس الانجمه

اكرم امن الغيث وانظى من حداد السيوف
كل خصله ترفع الراس به منها سمه

معه شيخة شمل تشمل نديين الكفوف
شيخةٍ ماجات من ختم ولا مكرمه

من عطاه الوقت صفعه وحر وحرق جوف
يعطي الجسر المعلق ونايف يخدمه

في لبن قصرٍ ماهو للمحافل والدفوف
عيلمٍ مارود ما بين بنّه واشحمه

في جدار القصر ما حط ممنوع الوقوف
واقفٍ قدام بابه ومن مر اعزمه

يومي وعنده كرامه وجايينه اضيوف
مثل ما تدسم صيانيه كفه مدسمه

باب رزق لـ راعي العود الازرق والخروف
ورزق راع الحشو ماهوب رزق الملحمه

والبخيل اللي يحفظ الدراهم فالرفوف
ليت ابن قرعان يعطيه شيٍ من دمه

ابن عمي واسم ابن عمي يهز الصفوف
جعلني من فوق ظنه وجعلي ما اعدمه

والردي لو حزموه البنادق والسيوف
لالقوه القوم كن في يده عود اسلمه