ياجعل روح الطيبين الحزينه تصبح بفرحه ونشراحه وتسهيل | مبارك الحجيلان
Автор: تذوق مصمم
Загружено: 2023-11-23
Просмотров: 9129
الفقر ماهو عيب أبداً
لكنه يكسر الطيب الفقير ويطيح معنوياته
لأنه وده يبادر وده يساعد محتاج
وده يعين رفيق
لكن العين بصيره واليد قصيره مايقدر
ياجعل روح الطيبين ،، الحزينه
تصبح بفرحه وانشراحه وتسهيل
•
بعض الرجال ابهم وقار وسكينه
تلقاه ساكت ،، لو حياته بهاذيل
•
وتلقاه للمحتاج / تعطي يمينه
لو كانت اوضاعه مشاكل وتنكيل
وتلقاه لاذاق الندم ،،، والغبينه
يكتمها من خوف الحكي والاقاويل
وتلقاه حساسٍ / ادمووعه بعينه
لاشاف له طفلْ ادموعه هماليل
اليا شرح لك قلت : يالله تعينه
ومن بعدها بتقول : وين المناديل
.
ولاتدري وين يروح من كثر دينه
يسرح مع الاقكار / ويحط ويشيل
•
طيّب وحدته ،،، الظروف اللعينه
عاش بسمو نفسه ولاعاش كالذيل
.
وافي مع اللي بالوفا ،،، عارفينه
فقيدةٍ لاغاب ،،، واليا حضر سيل
.
هذا حرام ايعيش يصفق يدينه
استغفر الله / قصدي الفقر والويل
.
مفروض ناجد له حياةٍ / رزينه
ونوقف معه بالضيق وقفة رياجيل
.
وندعي عسى بالجاي يلقى الثمينه
وتضحك له ايامه بخير ومحاصيل
.
وندعي عسى رب الخلاق / يعينه
على الحياه اللي قضاها ،،، غرابيل
Доступные форматы для скачивания:
Скачать видео mp4
-
Информация по загрузке:
