ลำสีพันดร เศรษฐกิจพอเพียง ร้องพร้อมเสียงแคน

ลำสีพันดร เศรษฐกิจพอเพียง
ประพันธ์กลอนลำโดย สมชาย ฐานเจริญ
ศิลปิน หมอลำบุญโฮม พิมพ์อุบล (จตุพร โพธิบา)
เสียงแคน นายวิเชียร แสนทวีสุข
บุญชาวไทย ละน่า...
ละฟ้าเอ้ย…ฟ้าฮ้องกว้าง ไทยเฮามีในหลวง
เป็นฮ่มโพธิ์ฮ่มไทรใหญ่ คอยเอาน้ำพระทัยใส่
บ่ว่าไกล บ่ว่าใกล้ เสด็จเยี่ยมแม่นทั่วไป
โอ......โอย.......
ฟังเอาเด้อพี่น้อง ท้องถิ่นแดนดินไทย
จั่งแม่นแสนสุขใจ อยู่สยามเมืองยิ้ม
เว้าอ่อนหวานนวลนิ่ม คือไทยไผกะส่า
บ่อเคยน้อยหน้า เมืองบ้านกะฮุ่งเฮือง
อันนี้กะสืบเนื่อง มาจากเมืองสวรรค์
เผิ่นเลือกสรรค์องค์ราชา แล้วส่งมาทางใต้
คือองค์เหนือหัวไท้ เป็นมิ่งขวัญชาวไทย
เหนือเกล้าเหนือกระหม่อม น้ำพระทัยโอบอ้อม
พระองค์พร้อมสิเบิ่งแยง ปีได๋ฝนแห้งแล้ง
บ่ตกจากแดนสรวง พระราชทานฝนหลวง
น้ำทั่วนามีปลาซ้น ทรงเมตตาเหลือล้น
หาทางส่อยคนจน เสริมเกษตรทฤษฏีใหม่
ให้แบ่งพื้นที่ใช้(ซ้ำ) 3 : 3 : 3 : 1 ให้จำไว้พัฒนา
เกษตรพอเพียงเด้อแม่ป้า ให้พากันเอาใจใส่
ปลูกสวนครัวเลี้ยงไก่ ตามในหลวงตรัสสั่งไว้
ไปหน้าสิบ่จน พระบารมีท่วมท้น
คนส่าลือไกล องค์เหนือหัวของไทย
ประเทศได๋กะยกย่อง อันนี้ คนพากันแซ่ซ้อง
สรรเสริญทั้งน้อยใหญ่
แผ่นดินไทยจั่งแม่นโชค
หาเบิดโลกกะบ่มี จังว่าสมแล้วทีว่าเป็นยอดกษัตริย์
บ่มีแนวเคืองขัด หย้อนพระองค์คอยแก้
อันนี้....ไทยเฮาภูมิใจแท้ ร่วมทำดีน้อมใส่
ให้เป็นที่ระลึกไว้ ว่าไทยนั้นฮักพ่อหลวง
ไทยทั้งปวงยึดไว้ ตามศาสตร์พระราชา
น้อมนำมาปฏิบัติ สิฮุ่งเฮืองเมื้อหน้า
อันนี้ศาสตร์พระราชาให้จำเอาเด้อน้องพี่....โอ้ยเด้อีหลี่แท้ๆ (ซ้ำ)