تقدم للمزاين - صالح اليامي | 2025

إشترك في القناة وفعل جرس التنبيهات للوصول إلى إحدث الإصدارات الفنية
   / @salehalyami2  

عن عيون العرب .. سجيت في ليلٍ بدون عيون
تمثنيت الظلام .. أشد عزمي وأندب الهمه

يا ابن لعبون..انا مانيب في جوّك..يا ابن لعبون
على متني حمول من الجميل .. وعندي مهمه

يـعاتـبـني على كثر الغياب .. الأطرق المزيون
ياويل ام الغزل .. و الاطرق المزيون .. ويل امه

لو انه قاطعن قلبي عليه الحب .. ويش يكون ؟
يموت الشعر فعيون الهواوي .. ما جلا همه

ياحظ اللي يشوفون الشعر لعب وطرب ولحون
انا اشوف الشعر صمخ ٍ على الشرط وعلى الذمه

لـيا مـنّـه عرض لي بيت بارد .. قلت به هللون
ابـي بـيـت ٍ على كبد السماء .. شايلته الزمّه

أدور مـطـلـع ً ماجابه .. اللي يشرب الغليون
يجـمّل شاعراً يكتب قصيده .. في ولد عمه

يا ابن نشار انا حزامك وانا درعك وانا المديون
لـ معروف ٍ ثقـيل يـحط ضلع طويق .. في كمه

عليّ من المعاريف الكبار ( الاسم والمضمون )
وانـا مانيب خبل ٍ يبرد المعروف .. في دمه

تحزّم بي ليا جاء الموقف اللي يبهج الدندون
و أسل السيف وأعن الكحيله و أعصب العمّه

تقـدّم للـمزايـن يـا سمي ( النير ) وأنت تمون
على قـمة سنام المجد .. لك مركى ولك قمه

تقـدّم يالصقيل اللي يجمل والشبا المسنون
ليا جت ساعـة ٍ يظهر بها اللي يجلي الغمه

تصرّح من ثمان شهور واصحاب النخب يوحون
تـبـا تــلـهـد كبود العالم الي منك منسمه

لـيـا شفت الشناح النادره .. بالراس والعرنون
تعزويت بـ ذخر نشار و قولن قلته اتّمْه

يدف الشيك أخوه الشيك وتدف المتون متون
وندحمهم ب جـنـب ٍ مايـلين وراس ماهمه

نـذير الشـعل ينذركم .. يباكم كلكم تشرون
وعــدنا مـوقـع كـل القبايـل .. تتجه يمه

تـرانا مـانـخـتـل اخصـامنا واخصامنا يدرون
لاجيـنا نكحل عيون الرجال .. ونارد الجمه

يضيق الطايف المانوس بهل الشعل ويضيقون
وليا مناّ خلصنا يمّ رماح نحدد اليمه

تقدمنا بشعل ٍ تاخذ من البشت الاشقر لون
نـوادر شيعلانن ماتجي فالشوط .. ملتمه

يــزيـنها العمود و يحتميها .. في نهار الكون
غـزايـز شـولـنـا الي يعوي السرحان .. لا شمه

تروح الروس في يوم المرا ويش انت يالمليون
تـوطـيـنـا جـلامد هيبتك .. عند ام طرخمه

نشوف وسومنا فوق الوسوم وفوزنا مضمون
و سمه طيب والا غـطرسه والا فخر سمه

________________________
توزيع ديجيتال: شركة قنوات ميوزك
إدارة الأعمال والتنسيق : 00966552550784
Email : [email protected]