إي أحسن بنك إسلامي لإيداع مبلغ واخد عائد

أفضل بنك إسلامي ! راجع التعليقات ضروري👇🏻 هام جدًا : الرد على مجموعة من الاستفسارات اللي وردت لي بعد المقطع المرئي بخصوص عوائد البنوك الإسلامية!؟س: هو إنت ليه بتغير ترتيب البنوك الإسلامية كل سنة بخصوص نسبة استثمارهم في أدوات الدين؟ج:والله يا جماعة ما أنا اللي بغيّر، البنك هو اللي بيغيّر نسبة استثماره،وأنا مجرد ناقل لرقم معلن في القوائم المالية، مش طرف في البنك ولا لي مصلحة.⸻س: طيب إنت ليه غيّرت رأيك في المقطع اللي فات وقلت إنك هتطهر؟ج:المقطع كان موجه للمتخصصين والعملاء اللي فاهمين التفاصيل،وفيه معلومات مهمة مش ظاهرة في القوائم المالية،فأنا مقدرش أستخدمها كمرجع، وبقولك:“اسأل الهيئة الشرعية للبنك بنفسك”،مع كامل احترامي ليهم، أنا لا بشكك في حد.⸻س: طيب لو أنا مش متخصص ومش عارف التفاصيل، أعمل إيه؟ج:عندك احتمالين: 1. تلتزم بفتوى الهيئة الشرعية للبنك بعدم التطهير (لأنهم عملوا معالجة شرعية للموضوع). 2. أو تاخد بالأحوط وتطهّر من باب الورع،لأن فيه أمور مش واضحة في القوائم المالية،وساعتها البنك مش هيقولك النسبة،علشان كده أنا وفّرت لك نسبة الاستثمار في أدوات الدين (من القوائم الرسمية).مش بسميها “نسبة تطهير” علشان البنك بيقول بعدم التطهير، والتسمية دي فيها مسؤولية قانونية عليا.⸻س: طب في ناس بتقول مافيش فرق بين البنوك الإسلامية والتقليدية، وأنا إيه اللي يدخلني في الموضوع وأطهّر؟ج:أنا مش بقولك تحط فلوسك في البنك،ولا بسوّق لحد، ولا مستفيد من حاجة.لو مش مقتنع، دور على البديل اللي يريحك واعمله.أنا بكلم الناس اللي حاطة فلوسها بالفعل،ومش لاقية بديل حالي، وغالبًا كانت جاية من بنك تقليدي أصلاً.⸻س: طيب مش هنطهّر العوائد الناتجة من التورق؟ج:لأ، مش هنطهّرها.ولو عايز تعرف التفاصيل،أنا كاتب عنها قبل كده وهسيب اللينكات في التعليقات.⸻أخيرًا : لا تنساني بالدعاء ورفقًا بي في التفاصيل بخصوص هذا الموضوع لأنه موضوع شائك وسبب لي مشاكل قبل كده و كل لبيب بالاشارة يفهم وأنا قولت الموضوع بتفاصيله وبكل حيادية فما كان من توفيق فمن الله وما كان من خطأ فمني ومن الشيطان#باسم_عليوة #shorts