عزازي - الالفيه (جوده عاليه)

الالفيه 1993م
كلمات: ابراهيم الجمحان
الحان وغناء: عزازي

كلمات الاغنية…..

ألفاً أولف ياهل الحب وشكي# من واحد لامن تذكرته أبكي
باقول كل الي حصل منه واحكي# وابين الخافي وقول الحقيقه

الباء بديت اشوف منه التغلي# يوم اعترفت وقلت أنت خلي

صار يتفنن في عذابي ويذلني # وماكنت اظن الغدر يتبع طريقه

والتاء تمادى في غروره وصده# والصبر مني انتها عند حاده
قلبي من الخاين ضروري ارده # وارتاح من جملت هموماً تعيقه

الثاء ثلاث شهور عايش بدونه# خل الذي غروه هم ينفعونه
بكرا يخلونه يذوق اللهونه # يوجس مثل هوجست ساعه بدقيقه

والجيم جاملته احسبه يقدر# واثره بأمر فرقاه يورد مصدر
وانا انتظر انه يجيني اتعذر# لاكن ترا مثله يخون برفيقه

والحاء حشا ماشفت طبعه مع الناس# مافيه رحمه ولا عنده احساس
ياخذ ذهب صافي ويعطيني انحاس# ياوي منهو بالهوا نشف ريقه

والخاء خادمته من عيوني ولا فاد# ولا هاقيت انه يجازين بعناد
القلب بسبابه تقل فيه وقاد # من حر مابي كن وصطه حريقه

والدال دام الحب وياه مابيه# ومابي احد عندي من الناس اتريد
الي جرا للقلب والله مكفيه # خلو فؤادي لا يزيد اتحريقه

والذال ذكرا صاحبي تتعب الروح# والنوم ماله داخل العين مصلوح
اشكي صراحه واشتكي عدت اجروح# حالاً مثل حالي من الي يطيقه

الراء رماني اقشر الحظ بالحب # مع واحداً ماظن له بالهوى طب
حسبي عليه الله عدد كل ماهب # نسناس ريحٍ في مسارع طليقه

والزاء زمان الحب عندي تحول# اصبح بدال الحب كرهاً مطول
راح الغالى الي اذكره له منول # مثل القمر لغاب وفى بريقه

السين سم الغدر ذقته ملى كاس# ماهي غريبه نشربه من بعض ناس
مثله ولو قدره نشيله على الراس# ماظن يوم اتصير روحه شفيقه

الشين شلت الهم عنه لحالي # ولا شكيت الحمل والي جرالي
صابر على ظيم الدهر والليالي# روحي بمر الريق صارت شريقه

والصاد صدقوني اذا قلت مابيه# ولا ينتظر لحظه اناجي وارجيه
ولا يحسبني لعبتاً بين اياديه # يقدر يمشيني ورجلي عويقه

الطاء طعم حبه ولونه كرهته# منشان شياً يدري اني عرفته
ولو حبه بشيك الهوا ماصرفته# حتى ولو روحه لروحي شقيقه

الظاء ظمى قلبي من الشوق زايد# والقرب اصبح بيننا اليوم كايد
والحب ماظنه ولاهوب عايد # لوعشت انا وحدي على ارضاً سحيقه

والعين عيى القلب ماهوب حاصل # يقول مقدر مع اهل الغدر اواصل
الحب جمله مايجيبه فواصل # وينعاف لو روحي ببحره غريقه

والغين غادرت المحبه بلى حد # وبينت له اهم الاسباب موجز
ومن يتهمني بالكذب قلت يعجز # يثبت علي الكذب بايت طريقه

الفاء فلى والله بقاله معي شي # والله مايطري ببالي ونا حي
طويت انا صفحه قديمه معه طي# طي الذياب الي يريد اتعليقه

والقاف قررت انهي الوظع كله # وعاب شمس الحب وارقد فظله
ومن جاء يابي روحي معه قلت خله# خله تجف اجروح فيها عميقه

والكاف كل الي مظى لازم انساه # وانسى جميع الي جرى من سواياه
الحب له بلوا وياكبر بلواه # الى نصبلك بالعدى من جنيقه

اللام لا والله ماظاق صدري # على فراق الي جحد كل قدري
ادري بشي وبعض الاشياء مدري# هذا يخص الله رب الخليقه

والميم ماودي انا اجني على الحال# ودي اعدل كلشين به امال
وترك زمان راح ماريح البال # والحظ لامن نام لازم تفيقه

والنون نية صاحبي ليه شينه # ونا ماعه بنيه حسينه
الحين انا بطلت زينه وشينه # مابي عسل حبه ولابغى رحيقه

الهاء هدمت الحب وياه مليت # مليت من كثر التمني وياليت
ياليتني بالعمر ماكنت حبيت # ولا عارفت الحب ولا فريقه

والواو ولت كل ذكراه ومابيه# مندون مانحتاج شرعاً وقاضي
هذا حصل ولي حصل فيه راضي# ارتحت من همن بروحي وضيقه

والياء ياليت القاء حروفاً زواده # بكتب كلامن غير هذا زياده
واكمل حوار قمت انا في اعداده# لو يسمعه قلبي انقطع من خفيقه
___________________________________________

حسابات الفنان عزازي والأستاذ : على برامج التواصل الإجتماعي :
سناب / azazi001
تويتر / Azazi_Alsalman


#عزازي#سيد_الاوتار#عزازيات#قديم#السعودية#النماص#القصيم
#شعبي