Të dua më fort se natyrën

Kjo këngë sjell në jetë një nga poezitë më të fuqishme të Yevgeny Yevtushenko, një himn dashurie që sfidon natyrën, lavdinë dhe vetë kohën. "Të dua më fort se natyrën" është rikthyer në një formë të re artistike nga faqja Na Ishte Dikur, duke i dhënë vargjeve një melodi të butë, të ndjerë dhe plot emocion.

Zëri i një të riu sjell thellësinë, dhimbjen dhe bukurinë e kësaj dashurie të pakrahasueshme, ndërsa muzika e mbështjell si një ëndërr e qetë ku çdo fjalë merr frymë.

Një përjetim poetik që nuk dëgjohet thjesht… por ndjehet.

Të dua më fort se natyrën - Yevgeny Yevtushenko

Teksti:
Ty të dua më fort se natyrën,
Se natyra e gjallë je vetë,
E lirisë ti je shëmbëlltyrë,
Por pa ty dhe liria më vret.

Ty të dua aq fort i shkujdesur,
Sa rrëpira më duket si shteg.
Të pamundurën askush s’e ka prekur,
Dashuria ime e prek.

Ty të dua, të dal’ku të dalë,
Dhe kur pi dhe kur bëhem brutal,
Ty të dua dhe as bëhet fjalë,
Përmbi egon e shenjtë do dal.

Ty të dua më fort se Shekspirin,
Se të dheut këtë bukuri,
Se muzikën pa fund të efirit,
Se muzikë e libër je ti.

Ty të dua më fort se lavdinë
Që kaloi e atë që po vjen,
Se të ndryshkurën perandorinë,
Mëmëdhe s’ësht’ajo,por ti je.

Je fatkeqe? S’pranon ti mëshirë?
Lodhe Zotin me lutjet e tua.
Ty të dua përmbi lumturinë,
Më fort se dashurinë të dua.

#Yevtushenko #Poezi #KengeShqiptare #NaIshteDikur #Dashuri #PoeziNeKenge #ArtPoetik #MuzikeRomantike #VargjeTeThella #KengeEmocionale

Yevgeny Yevtushenko, poezi dashurie, këngë shqiptare, Na Ishte Dikur, poezi e kthyer në këngë, tekst i thellë, dashuri e fuqishme, art poetik, muzikë romantike, poezi klasike