МОТ- трансформаторов.МОТ- трансформаторы.

Transformator
O‘YCh pechining magnetronini kuchlanish bilan ta’minlash uchun MOT-(microwave oven transformer) transformatoridan foydalaniladi. Bunday kuch transformatorlarning og‘irligi 4 kilogramm, quvvati 1500 W. Ularning boshqa transformatorlardan farqi, transformator yaqin to‘yingan rejimida eng yuksak chegarada ishlaydi. Transformatorning tarmoq chulg‘ami erkin holatida 2–4 A tok iste’mol qiladi, shuning uchun magnitlangan sim bir necha daqiqa ichida qiziydi. Buning oldini olish uchun ventilator transformatorga havoni yo‘naltirib sovitib turadi.
O‘YCh pechlarda magnetronni katta kuchlanish bilan oziqlantirish uchun MOT transformatorlaridan foydalaniladi. Transformatorning yuqori voltli (anod) chulg‘amida kuchlanish 2000 Volt , tok 500 dan 850 mA gacha bo‘ladi, bitta uchi magnitli simga, ikkinchi uchi – ortga chulg‘amga qaytib keladi. Magnitrondagi kuchlanish ikki marta orttirilgan 4000V kuchlanishga erishiladi. Tarmoq va anod chulg‘amlari oralig‘ida magritronning cho‘g‘lanish tolasi chulg‘ami mavjud. Uning kuchlanishi 3,6 V, tok esa 20 Ampergacha bo‘ladi.
Transformator o‘zagiga to‘rtta ariqcha qilib magnitsimon payvandlangan, bunday ariqchaga magnit sim ulanib elektr bog‘lanadi.
Transformator qanday tekshiriladi?
Transformator mikroto‘lqinli pechning asosiy elektr zanjiri hisoblanadi. U O‘YCh nurlanishini hosil qilishini ta’minlaydi. Yuqori voltni hosil qiluvchi chulg‘am juda kam holatlarda nosozlikni keltirib chiqaradi. Transformatorning chulg‘amlarini tekshirish uchun multi-testerdan foydalanib transformator chulg‘amlarining qarshiligi tekshiriladi. Buning uchun transformatorning chiqish uchlari elektr zanjirdan uzib multi-testerda birinchi chulg‘am 2–4,5 Ω, cho‘g‘lanish tolasi 3,5–8 Ω, yuqori voltli chulg‘am 140–350 Ω qarshilikni ko‘rsatadi. Chulg‘amlardan biri qarshilik ko‘rsatmasa, uzilgan yoki diapazon qarshiligidan yuqori ko‘rsatsa, chulg‘amlararo qisqa tutashgan hisoblanadi. Transformator yuklamasiz tekshirganda agar u qizisa, bunday holatda transformatorni almashtirish yo‘li bilan nosozlik bartaraf etiladi, bordi-yu aksi bo‘lsa, ya’ni yuklama ulaganda qizisa, nosozlikni boshqa joydan qidiriladi. Transformatorning birinchi chulg‘amiga ~220V kuchlanish uzatilganda ikkinchi chulg‘amidan ~3V va ~2000V kuchlanish olinadi. Bunday kuchlanishni multi-testerda tekshirish xavfli hisoblanadi.
Xavfsiz tekshirish usuli: ikkinchi chulg‘amga ~220 V kuchlanish uzatilib, birinchi chulg‘amdan 24V kuchlanish olinadi, koeffitsiyent – 9,1. Yoki birinchi chulg‘amga ~12V kuchlanish uzatilib, ikkinchi chulg‘amdan 109 V olinadi, shu usullar bilan transformatorni xavfsiz tekshirsa bo‘ladi.