ما هى الميزانية العمومية وأهم بنودها

تعريف الميزانية العمومية للشركات بشكل مبسط والتعرف على اهم البنود المكونة للميزانية ومعرفة معادلة الميزانية
-----------------------------------------------------------------
لمزيد من المعلومات الهامة
https://abo-alafkar.blogspot.com/2022...
-----------------------------------------------------------------
الموقع الالكترونى:
https://abo-alafkar.blogspot.com
-----------------------------------------------------------------
صفحة فيسبوك
  / fekriano  
-------------------------------------------------------------------
النص:
السلام عليكم ورحمة الله وبركاتة
محمد فكرى معاكم من قناة ابو الافكار واهلا بيكم فى فيديو جديد
كتير مننا لو ماكانش كلنا سمعنا قبل كده مصلطحات زى
المركز المالى / الميزانية العمومية / قائمة الدخل / قائمة التدفقات النقدية
دى كلها اسماء لما يطلق عليى القوائم المالية
والقوائم المالية دى باختصار هى وسيلة عن طريقها يتم معرفة المركز المالى للشركة ومعرفة قيمة الالتزامات وقيمة الاصول وغيرها كتير من البيانات المالية للشركة او المؤسسة
واللى بتهم اطراف كتير زى الملاك والمشاركين والمستثمرين او الناس المهتمة بالاستثمار فى المؤسسة دى او حتى الاطراف الدائنة إللى مهتمين يعرفو ان ديونهم إلى الشركة او المؤسسة دى ح تبقى مضمونة وان الشركة عندها القدرة اللازمة لسداد الديون
ح نتكلم فى السلسلة دى عن القوائم المالية ونحاول نبسط المفاهيم دى على قد ما نقدر
وح نبدأ النهارده نتكلم عن
الميزانية العمومية
----------------------
أنا ممكن ابدأ معاك علطول واقولك ان الميزانية العمومية بتتكون من جاني مدين وجانب دائن
وان الجانب المدين بيحتوى على الاصول الثابتو والاصول المتداولة مثلا
وان الجانب الدائن بيحتوى على الخصوم المتداوله وخصوم طويله الاجل وحقوق الملكية
بس احنا زى ما اتفقنا عايزين نبسط الامور قدر الامكان علشان حتى الناس إللى مش متخصصين يقدرو يتعلموا حاجه جديدة
وعلشان نبسط الامور ونفهم ايه هى الميزانية العمومية خلينا نبدأ نتكلم عن حاجه اسمها معادلة الميزانية
---------------
فى بداية تكون الشركة بيكون فيه شخص او عدة اشخاص عندهم نية للاستثمار وعايزين يعملو شركة وبيبدأو بتحديد وبجمع رأس المال وللتبسيط خلينا نفترض ان كل رأس المال كان فى شكل اموال نقدية وخلينا نفترض كمان ان قيمة راس المال هو مليون جنية يعنى
رأس المال = مليون جنية
والنقدية = مليون جنية
يعنى يبقى شكل معادله الميزانية ح يكون بالشكل دة
رأس المال = النقدية
1.000.000 = 1.000.000
بعد فترة اشترو سيارة للشركة بمبلغ 200 الف جنية
يبقى معادله الميزانية اصبحت
راس المال = نقدية + سيارة
1.000.000 = 800.000 + 200.000
بعد فترة كمان اشترو بضاعه علشان يبدأو يوزعوها بالسيارة ويبدأ الشغل فعلا
ح يبقى شكل معادله الميزانية ح يبقى
راس المال = نقدية + سيارة + بضاعة
1.000.000 = 300.000 + 200.000 + 500.000
بعد فترة مثلا الشركة اخدت قرض من البنك بقيمة مليون جنية معنى كده ان النقدية ح تزيد فى الشركة بقيمة القرض إللى الشركة اخدتة ، وعلشان زى ما شوفنا لازم معادلة الميزانية تبقى متساوية الطرفين ح يبقى شكل المعادلة كده
رأس المال + القرض = نقدية + سيارة + بضاعه
1.000.000 + 1.000.000 = 1.300.000 + 200.000 + 500.000

ومع الوقت المعاملات المالية للشركة بتزيد وبتبقى اكثر تعقيدا ولكن مهما كانت المعاملات الماليه دى كثيرة ومعقدة ومتشابكة ، الا ان معادلة الميزانية فى اى وقت من الاوقات لازم تكون متساوية الطرفين
بمعنى ان لو زاد الطرف المدين إلى بيحتوى على اصول الشركة زى النقدية والصول الثابتة والمخزون لام الطرف الدائن إللى بيحتوى على راس المال والالتزامات يزيد بنفس القدر تماما
إما بزادة بند من البنود الموجوده أو حتى استحداث بند جديد فى الميزانية
---------------------
اعتقد دلوقتى أنت عرفت يعنى ايه ميزانية عمومية
دلوقتى بقى لازم نعرف المكونات الاساسية لكل جانب من جوان الميزانية العمومية
الميزانية بتتكون من جانب الاصول وجانب الالتزامات وحقوق المليكة واوقات بيتم اطلق اسم خصوم على الجانب ده
جانب الاصول بيتكون من
اصول ثابتة زى – الاراضى والمبانى والسيارات واجهزة الكمبيوتر وكل ممتلكات المستخدمة فى تشغيل الشركة
واصول متداولة – ودى الاصول النقدية او شبة النقدية زى النقود فى الخزائن او البنوك ورصيد المخزون من البضاعه وارصدة العملاء
-------
اما جانب الخصوم ف اهم مكوناتة هى
الخصوم المتداولة – ودى الاتزامات والديون قصيرة الاجل المستحقة على الشركة زى مستحقات الموردين مثلا
البند التانى هو الدائنون – وده عبارة عن كل ديون الشركة المستحقة على الضرائب مثلا واى دائنون اخرون
الخصوم طويلة الاجل – وهى الالتزامات طويله الاجل المستحقة للسداد على اكتر من سنه مالية زى الديون لصالح البنوك والرهن العقارى وخلافة
بند حقوق الملكية – وحقوق الملكية عبارة عن رأس مال الشركة إللى تم دفعه عند تأسيس الشركة مضاف الية الارباح المتراكمة من سنوات سابقه
-------------
وبكده نبقى اخدنا فكرة سريعه عن الميزانية العمومية واعتقد انك بعد الفيديو ده ممكن بكل بساطة تفتح اى جريده او تبحث على الانترنت وتطلع على اى ميزانية عمومية منشورة لاى شركة وتبدأ تقراها وانت فاهم معنى البنود دى وتقدر تكون فكرة واضحة عن المركز المالى للشركة
--------------
وخليك متابع القناه علشان تتعرف باقى القوائم المالية للشركة فى الفيديوهات إللى جاية ان شاء الله
واخيرا زى ما احنا متعودين مش ح اطلب منك تعمل لايك او شيك للفيديو الا لو استفدت منه
ولو عجبك الفيديو تقدر كمان تاخد بصة على الفيديوهات إللى موجوده على القناه
وياريت لو اعرف رأيكم فى التعليقات وملا تبخلو علينا بالدعاء بصلاح الحال ان شاء الله
والسلام عليكم ورحمة الله