客家大智慧 _集教育部客語辭典師傅話(歇後語)大全

作詞/集詞：黃六(集客家諺語)
作曲/編唱：黃六(聊以自娛)
腔調：台灣海陸腔客語(客家歌曲)
說明：集教育部客語辭典海陸腔師傅話(歇後語)大全

《客家大智慧》

師傅話啊師傅話
恁厲害啊恁厲害
你毋使驚毋會
等我教你你就會

三歲子貼春聯～毋知上下
起風天㧡禾稈～刈刈惹惹
毛蟹吊頸～尋無頭䌈
鬼打覡公～無法

狗吠火車～少見多怪
日頭下看影仔～自看自大
三張紙畫一隻人頭～面子拗蠻大
河壩跑馬～壞蹄

狗吠火車～徒然
花缽仔種菜～無緣(無園)
腳綯石頭～進退兩難
三十暗晡个飯甑～無閒

開花竹仔～短命
青瞑仔看戲～聽聲無見影
石灰掞路～打白行
核卵幫剃頭刀～危險

師傅話啊師傅話
阿姆哀啊阿姆哀
你毋使去背
等我唱煞你就會

湖鰍仔搵泥沙～緊搵緊大條
貓扡粢粑～難脫爪
矮牯仔看戲～跈人笑
頭那插禾串～撩刁(撩鳥)

茶葉翻渣～淡忒了
禾黃水落，飯熟火著～忒慢了
草索仔䌈豆腐～擐毋得
蚊仔叼核卵～打毋得

狗食糯米飯～無變
火燒豬頭～熟面熟面
棺材肚伸手～死愛錢
老戲跌落棚～難免

麻布做衫～看現現
屋簷鳥仔生鵝卵～無可能
牛眼核摒屎胐～看各人个本等
老虎也會啄目睡～難免

窮巷追狗～反咬一口
兩公婆吊頸～死對頭
三十暗晡个紅包～細人歡喜大人愁
貓公上樹～毋成猴

食生芋仔～扡胲
牛仔吂桊鼻～毋知厲害
狗掀門簾～全食一張嘴
鈍刀破竹～想毋開

師傅話啊師傅話
鬧臺臺啊鬧臺臺
該仰會有恁大堆
害我頭那殼險險噼開來

阿婆嫁孫女～無主無意
潮州會館～無客氣
單層西裝～無道理
地豆剝殼～還有醫(衣)

老鼠舐貓鼻～尋死
蚊仔个腳仔～無比(髀)
木匠拉大鋸～有來有去
歪嘴吹喇叭～一團邪氣(斜氣)

食紅柿仔傍酒～尋死
七月半个鴨仔～毋知死
嘴脣兩垤皮～好壞由在你
十隻雞仔走忒九隻～一看就知

新打屎缸～三日新
乞食仔唱山歌～窮開心
六月个芥菜～假有心
十二月个芥菜～傷心(上心)

風車尾，二槽冇～毋精
棚頂高睡目～高明(高眠)
棺材脣唸經～吵死人
屎出褲帶又打結～急死人

三隻鼻空～閒管
豬八戒嫁老妹～毋使看
龜笑鱉無尾～半斤八兩
老公撥扇～淒涼(妻涼)

師傅話啊師傅話
堆打堆啊無恁該
害我唱到啄目睡
該頭那昏昏嘴開開

隔山打銅鑼～聽毋著
腳底打脈～尋症頭毋著
老伯姆同契哥～有也好無也好
蚊仔叼牛角～無礙著

六月毛蟹～無歌(膏，蟹黃)
泥伯公過河～自身難保
閻羅王嫁妹仔～鬼毋知係無
三年無洗身～慢盡多(㿸，污垢)

六月牛眼～白咈(白核)
草蜢撩雞公～自尋死路
三十暗晡打鑼鼓～毋知窮人苦
教書先生个手帕～包輸(包書)

戲棚頂个皇帝～威風毋久
三月櫻花～紅毋久
屎缸肚个石頭～又硬又臭
山豬學食糠～毋知香臭

過時个月曆～無用
刀切蕹菜～兩頭空
十八隻銅錢兩下算～久聞久聞(九文)
缺嘴仔歕火～漏風

茄仔開黃花～反種
三兩人講四斤話～膨風
三十暗晡个飯甑～自家愛用
禾田肚个稗仔～雜種

菜籃㧡水～無採工
蚊仔叼牛角～無採工
八十阿公討餔娘～無採工
用飯撈戽水～無採工

師傅話啊師傅話
堆打堆啊鬧臺臺
當厲害啊盡厲害
阿姆哀啊無恁該
害我唱到跪下來

後記：
古人留下的智慧，句句都是修辭學經典。內容文句若有任何疑問，歡迎留言討論。