مقدمة :برنامج يناقش مشاكل الشباب الحديثة

برنامج فلتره ما هو وما هدفه
السلام عليكم ورحمة الله وبركاته
على مدار ثلاث سنوات من إستخدام السوشيال ميديا والتواصل مع كثير من الشباب سواء برسايل أو كمنتس أو بوستات أو فديوهات
كان يوميا بشكل مستمر بيجيلي رسايل أنا فعليا مش لاقيه ليها حلول لأنه زي ما هي عندهم موجوده عندي فده كان بخيليني مرهقة جدا جدا مش جسديا لكن نفسيا!
لأنه يوميا فيه مشاكل وقضايا بتخص الشباب لكن مافيش حلول ليها
يوميا بطلع بمليون سؤال في دماغي لكن مافيش إجابه

مشاكل كتير جدا بتواجه الجيل الحالي كأنه فيه فجوه زمنيه من بين الأجيال، مشاكل زي التوهان والتشتت وصعوبة التركيز وقلة الإنجاز والهروب من الواقع وإدمان مواقع التواصل وقلة الدخل المالي والتعب النفسي وكثرة الإتجاهات الفكرية والصدمات الدينية والإلحاد وغياب القدوات وقلة الوعي والكسل الشديد والممالطه والشهوات المكبوته والوحدة وقلة التواصل والمقارنة المستمرة وجلد الذات والإحساس المستمر بالعجز والفشل، والرغبة المستمره في تغيير العالم وفقدان الهويه والبحث عن الذات
ولو قعدت أعدد المشكلات هتكلم لتاني يوم

ولكن أنا كضحي مش بحب الشكوى يعني حاليا فيه مشكله وانا حسيت إنها موجوده فين الحل بتاعها!

دخلت أبحث يمينا ويسارا مش لاقيه حلول!
مش لاقيه حد بيتكلم عن المشاكل دي، مافيش حد عنده وعي كافي علشان يفهم الشباب الحالي عايز إيه
كل اللي بلاقيه حاليا إزاي تلتزم بالصلاة وهما مش عندهم معلومات عن الصلاه أصلا إزاي تستغل وقتك وهو أصلا مكتئب ومش سليم نفسيا
نقطة حد أهدافك وهو محبط أصلا من كمية المقارنات اللي بيعملها مع الناس
غيره من الفديوهات اللي هي موجهه لشباب مبقاش موجود!
اللي هو حرفيا مش لاقيه داتا نهائي عن المواضيع دي
وبناءا عليه كان لازم ألاقي حل والحل كان إنه أنا ألاقي بنفسي حل لمشاكلي أبحث وأسأل وأتعلم وأجرب وبعدها أنقل ليكم
وفعليا بقالي ثلاث سنين شغاله على النقطه دي لحد يعني الحمد لله قدرت أجمع أكبر قدر من المعلومات عن مشاكلنا كشباب مختلف عن أي جيل تاني
ودلوقتي جه وقت إن شغل ثلاث سنين من البحث والتعلم إنه يطلع للنور
برنامج فلتره بيحكي عني وعنك، هتلاقي نفسك فيه زي ما لقيت نفسي معاه ،ممكن أصيب فيه وقد أخطئ وبالتالي إن أخطأت فالخطأ خطأ الشخص لا علاقة للأمر بالدين ولا علاقة بالعلم
فالمبادئ أعلى من الأشخاص

البرنامج كله سلسله متكامله مع بعضها يعني الحلقه لوحدها مش هتلم كل حاجه وإنما في حلقات بتكملها
بل حتى كمان فيه حاجات مش هقدر اتكلم فيها لأنها مش تخصصي فهتلاقيني بقولك إسمع لفلان إقرأ لفلان فيه دورة فلان وهكذا

البرنامج كله قائم على هذه الآية

أَوَ لَمَّا أَصَابَتْكُم مُّصِيبَةٌ قَدْ أَصَبْتُم مِّثْلَيْهَا قُلْتُمْ أَنَّى هَذَا قُلْ هُوَ مِنْ عِنْدِ أَنْفُسِكُمْ"

تقديم :ضحى حربي
تصوير :أحمد المرتضى
مونتاج :محمد سلطان