阿Bob棟篤笑張敬軒踩場搞事送梳 16歲大女霏霏男友全家撐場見家長

阿Bob棟篤笑張敬軒踩場搞事送梳 16歲大女霏霏男友全家撐場見家長

林盛斌 早喺四年前展開佢嘅個人棟篤笑之旅，期間到過內地、馬來西亞、美國等地開騷，呢晚最終站返到香港紅館舉行，亦係阿Bob圓夢首度踏上紅館開Talk Show演出。屋企人同眾多圈中好友都有嚟捧場，難怪一開場踏上舞台後，阿Bob已經被全場掌聲感動到眼濕濕。

阿Bob喺騷上分享咗好多自己心路歷程，面對人生高低起跌，佢總以樂觀心態面對，種種話題都有笑有淚。而呢晚除咗講Talk之外，阿Bob仲開金口唱歌，佢又話自己雖然唔係歌手出身，但唱歌都唔錯，拍得住黃百鳴唱《記憶棉》，但就未到陶大宇唱《倒轉地球》嗰種。

之後就話向觀眾送上一曲《My Way》，點知特別嘉賓軒公張敬軒出場獻唱，兩人透露識於微時，之後軒公以後輩身份帶咗份禮物送俾阿Bob，最初阿Bob就講笑話係勞斯萊斯？軒公即指出面下低(意指殯儀館一帶)有好多，呢輪興破地獄，場面搞笑。

笑完一輪仲未夠，軒公竟然送上一把密齒梳同髮膠俾光頭嘅阿Bob，令全場爆笑，阿Bob只好笑納，仲話呢份禮物係近20至30年來收到最鍾意嘅一份大禮。繼而軒公更大爆咗個秘密，指阿Bob其實唔係光頭，係有頭髮，而且每兩日就會剃一次頭。

完騷後阿Bob表示，今次能夠踏上紅館開騷係人生目標之一，對自己表現都好滿意，感覺夢想成真，自評有90分，接下來會更努力籌劃驚喜俾大家。阿Bob喺台上自爆大女男友一家都有嚟捧場，事後表示係佢親自叫女兒邀請，估唔到對方一家人嚟支持，喺後台見到阿女男友家長都有傾偈，而阿女男友亦親自同阿Bob對談，讚個騷好睇好鍾意，情況有如見家長一樣，但阿Bob就覺得現時講對親家言之尚早，始終都仲係小朋友，或者日後有機會可以邀請對方一家到屋企，由阿Bob親自下廚整幾味一齊食嘢見面。

#林盛斌 #Bob #棟篤笑 #紅館 #記憶棉 #倒轉地球 #My Way #勞斯來斯 #破地獄 #密齒梳 #夢想成真 #對親家 #見家長
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0