#ព្រះបន្ទូលនៃសេចក្ដីពិតសម្រាប់ថ្ងៃពុធ

#ចំណងជើងវីដេអូ៖ «សូមចាប់យកព្រះបន្ទូលចុះ» Get A Hold Of The Word

#រៀបរៀងឡើងដោយ Pastor Chris

#ព្រះបន្ទូលនៃសេចក្ដីពិតសម្រាប់ថ្ងៃពុធ ទី០២ ខែមេសា ឆ្នាំ២០២៥។

«សូមចាប់យកព្រះបន្ទូលចុះ» Get A Hold Of The Word

#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»

«កាល​ដើម​ដំបូង​មាន​ព្រះបន្ទូល ព្រះបន្ទូល​ក៏​គង់​នៅ​ជា​មួយនឹង​ព្រះ ហើយ​ព្រះបន្ទូល​នោះ​ឯង​ជា​ព្រះ ទ្រង់​គង់​នៅ​ជា​មួយ​នឹង​ព្រះ តាំង​អំពី​ដើម​មក គ្រប់​របស់​ទាំង​អស់​បាន​កើត​មក​ដោយសារ​ទ្រង់ ហើយ​ក្នុង​បណ្តា​របស់​ដែល​បាន​បង្កើត​មក​ទាំង​ប៉ុន្មាន នោះ​គ្មាន​អ្វី​ណា​មួយ​កើត​មក​ក្រៅ​ពី​ទ្រង់​ឡើយ» (យ៉ូហាន 1:1-3)។

អ្វីៗគ្រប់យ៉ាងដែលព្រះបានធ្វើ គឺតាមរយៈសិទ្ធិអំណាចនៃព្រះបន្ទូលរបស់ទ្រង់។ នេះ​ជា​សេចក្ដី​ពិត​ដ៏​សំខាន់ និង​ជាគោលគ្រឹះដែល​យើងត្រូវ​តែដឹង​ខ្លួន​ជានិច្ច។ ព្រះ​បន្ទូល​របស់​ព្រះ​គឺ​ជា​ឧបករណ៍បង្ក​បង្កើត​របស់​ទ្រង់។ ចាប់ផ្កើមពីលោកុប្បត្តិទី 1 យើងបានរៀនថា ព្រះបានបង្កើតអ្វីគ្រប់យ៉ាងតាមរយៈព្រះបន្ទូលរបស់ទ្រង់។ ព្រះ​គម្ពីរ​ចែង​ថា​៖ ​«​កាល​ដើម​ដំបូង​ឡើយ ព្រះ​បាន​បង្កើត​ផ្ទៃ​មេឃ និង​ផែនដី។» (លោកុប្បត្តិ ១:១)។ បន្ទាប់​មក ខទី ៣ ចែង​ថា «នោះ​ព្រះ​ទ្រង់​មាន​ព្រះបន្ទូល​ថា ចូរ​ឲ្យ​មាន​ពន្លឺ​ឡើង ដូច្នេះ ពន្លឺ​ក៏​មាន​ឡើង។» ។

ព្រះ​បន្ទូល​របស់​ព្រះ ​បាន​ធ្វើឲ្យគ្រប់យ៉ាងមានសណ្ដាប់ធ្នាប់ និង​ជីវិត​ឡើង ដែលកាលនឹងគ្រប់យ៉ាងវានៅ​ជា​ភាព​ច្របូកច្របល់នៅឡើយ។ បន្ទាប់មក តាមរយៈសៀវភៅដំណឹងល្អ ព្រះគម្ពីរបានចែងថា “កាល​ដើម​ដំបូង​មាន​ព្រះបន្ទូល ព្រះបន្ទូល​ក៏​គង់​នៅ​ជា​មួយនឹង​ព្រះ ហើយ​ព្រះបន្ទូល​នោះ​ឯង​ជា​ព្រះ ទ្រង់​គង់​នៅ​ជា​មួយ​នឹង​ព្រះ តាំង​អំពី​ដើម​មក គ្រប់​របស់​ទាំង​អស់​បាន​កើត​មក​ដោយសារ​ទ្រង់ ហើយ​ក្នុង​បណ្តា​របស់​ដែល​បាន​បង្កើត​មក​ទាំង​ប៉ុន្មាន នោះ​គ្មាន​អ្វី​ណា​មួយ​កើត​មក​ក្រៅ​ពី​ទ្រង់​ឡើយ” (យ៉ូហាន 1:1-3) ។

អ្វីៗគ្រប់យ៉ាងត្រូវបានបង្កើតឡើងដោយព្រះបន្ទូលព្រះ ហើយបើគ្មានព្រះបន្ទូលទេ នោះអ្វីគ្រប់យ៉ាងក៏គ្មានដែរ។ ការយល់ដឹងនេះ គឺជាការបង្ហាញអំពីឬទ្ធិអំណាចដែលគ្មានដែនកំណត់នៃព្រះបន្ទូលរបស់ព្រះបាន។ នៅពេល​ដែលអ្នកចាប់យកព្រះបន្ទូលនេះ នោះអ្នកនឹង​អាច​ធ្វើ​អ្វីៗ​ក៏​បាន។ មានអ្នកខ្លះអាចសួរថា "ប្រសិនបើនេះជាការពិត ហេតុអ្វីបានជាមានមនុស្សច្រើនណាស់ក្នុងលោកិយ៍នេះនៅតែរងទុក្ខវេទ្ទនា? ហេតុអ្វីបានជាមានការឈឺចាប់មានច្រើនម្ល៉េះ?"

ចម្លើយរបស់ព្រះ ចំពោះសេចក្ដីរងទុក្ខវេទ្ទនា និងសេចក្ដីឈឺចាប់ដែលមាននៅក្នុងលោកិយ៍នេះ គឺជាព្រះយេស៊ូវ; អញ្ចឹង តើព្រះយេស៊ូវជានរណា? ព្រះអង្គគឺជាព្រះបន្ទូល, ដូចដែលយើង​បាន​អាន​រឿង​នេះ នៅ​ក្នុង យ៉ូហាន ១:១-៣។ ទំនុកតម្កើង 107:20 ចែង​ថា​៖ ​«​ទ្រង់​ចាត់​ព្រះបន្ទូល​ទៅ​ប្រោស​គេ​ឲ្យ​ជា ក៏​ដោះ​ឲ្យ​គេ​រួច​ពី​សេចក្តី​វិនាស»។ ព្រះ​បន្ទូល​គឺ ជាការប្រោសឲ្យជា ជាសេចក្ដីសង្គ្រោះ និងជាសេចក្ដី​រំដោះផងដែរ។ ព្រះបន្ទូលនាំមកនូវសេចក្តីសង្ឃឹម ការព្យាបាល ការស្ដារឡើងវិញ និងជាចម្លើយចំពោះសំណួរដ៏លំបាកៗនៃជីវិត។

ប្រសិនបើ​ អ្នក​បាន​ឈឺ ហើយ​លោកវេជ្ជបណ្ឌិតក៏បានបោះបង់អ្នក ដោយសារជំងឺនោះវាមិនអាចព្យាបាលបាន,​ នោះអ្វី​ដែល​អ្នក​ត្រូវ​ការ​ គឺ​ជាការចាប់ព្រះបន្ទូល​នៃព្រះដែលនៅក្នុង​វិញ្ញាណ​របស់​អ្នកស្រាប់។ ដ្បិតនៅក្នុង​ព្រះ​គ្រីស្ទ អ្នក​មាន​ជីវិត​ដែល​មិនចេះ​រលួយ មិន​អាច​បំផ្លាញ​បាន និង​មិន​អាច​វិនាស​បានដែរ ដែល​ជីវិតនោះហើយ វានឹងបំផ្លាញរាល់​ជំងឺ រោគា និង​ឧបសគ្គផ្សេងៗបាន។ សូមចាប់យកសេចក្ដីពិតនេះចុះ ហើយថែមទាំងបង្កើតជ័យជំនះរបស់អ្នកឡើងវិញ។ ដ្បិតអ្វីៗគ្រប់យ៉ាងដែលអ្នកត្រូវការ គឺមាននៅក្នុងព្រះបន្ទូលរបស់ព្រះរួចរាល់ហើយ។ ដូច្នេះ ចូរ​បន្តសារភាពប្រកាស់តាម​ព្រះបន្ទូលចុះ។

#សេចក្ដីអធិស្ឋាន
ឱព្រះវរបិតាអើយ កូនសូមអរព្រះគុណចំពោះព្រះចេស្ដានៃព្រះបន្ទូលទ្រង់ ដែលធ្វើឲ្យកូនមានអំណាចនៃ ការបង្កបង្កើត និងផ្លាស់ប្តូរថ្មីជានិច្ច។ គ្រប់ពេលដែលកូនធ្វើការសញ្ជឹងគិត និងប្រកាសតាមព្រះបន្ទូលរបស់ព្រះ នោះច្បាស់ណាស់ កូននឹងបង្កើតបានជីវិតនៃជ័យជំនះ សុខភាព និងភាពជោគជ័យ។ ព្រះបន្ទូលរបស់ព្រះ បានធ្វើកិច្ចការរបស់ទ្រង់នៅក្នុងខ្លួនកូន ទាំងបង្កើតផលផ្លែដើម្បីតែនឹងលើកតម្កើងទ្រង់ប៉ុណ្ណោះ កូនសូមអធិស្ឋាននៅក្នុងព្រះនាមព្រះយេស៊ូវ។ អាម៉ែន។

#ការសិក្សាបន្ថែម៖ ហេព្រើរ 4:12 លោកុប្បត្តិ 1:1-3 អេសាយ ៥៥:១១