Ek Ghamgeen Yaad | Asrarul Haq Majaz | ایک غمگین یاد از اسرار الحق مجاز | اردو نظم | best urdu Nazm
Автор: Alfaz-O-Ma'ani
Загружено: 2020-08-29
Просмотров: 383
ایک غمگین یاد۔۔۔
اسرار الحق مجاز کی ایک بہترین نظم سماعت فرمائیں۔۔۔
پسند آنے پر ویڈیو کو لایک کریں اور اپنے دوستوں کے ساتھ شئیر بھی کریں۔۔۔
شکریہ
/ alfazomaani
/ alfazomaani
" ایک غمگین یاد "
مرے پہلو بہ پہلو جب وہ چلتی تھی گلستاں میں
فرازِ آسماں پر کہکشاں حسرت سے تکتی تھی
محبت جب چمک اٹھتی تھی اس کے چشمِ خنداں میں
خمِستانِ فلک سے نور کی صہبا چھلکتی تھی
مرے بازو پہ جب وہ زلفِ شب گوں کھول دیتی تھی
زمانہ نکہتِ خلدِ بریں میں ڈوب جاتا تھا
مرے شانے پہ جب سر رکھ کے ٹھنڈی سانس لیتی تھی
مری دنیا میں سوز و ساز کا طوفان آتا تھا
وہ میرا شعر جب میری ہی لے میں گنگناتی تھی
مناظر جھومتے تھے بام و در کو وجد آتا تھا
مری آنکھوں میں آنکھیں ڈال کر جب مسکراتی تھی
مرے ظلمت کدے کا ذرہ ذرہ جگمگاتا تھا
امنڈ آتے تھے جب اشکِ محبت اس کی پلکوں تک
ٹپکتی تھی در و دیوار سے شوخی تبسم کی
جب اس کے ہونٹ آ جاتے تھے از خود میرے ہونٹوں تک
جھپک جاتی تھیں آنکھیں آسماں پر ماہ و انجم کی
وہ جب ہنگامِ رخصت دیکھتی تھی مجھ کو مڑ مڑ کر
تو خود فطرت کے دل میں محشرِ جذبات ہوتا تھا
وہ محوِ خواب جب ہوتی تھی اپنے نرم بستر پر
تو اس کے سر پہ مریم کا مقدس ہاتھ ہوتا تھا
خبر کیا تھی کہ وہ اک روز مجھ کو بھول جائے گی
اور اس کی یاد مجھ کو خون کے آنسو رُلائے گی
(اسرار الحق مجاز لکھنوی)
Доступные форматы для скачивания:
Скачать видео mp4
-
Информация по загрузке:
![Саакашвили остаётся в Грузии [20.11.2025] Новости | Ахмед Самедов](https://ricktube.ru/thumbnail/P7FAGwSjydE/mqdefault.jpg)
