Дзе ты, зорка мая - Юрый Смiрноў (1968)

Дзе ты, зорка мая прамяністая,
За якія ты хмары скацілася?
Дзе ты, радасць мая залацістая,
На якой ты сцяжынцы згубілася?

Я шукаю цябе, углядаюся
У нябесныя далі высокія.
Без цябе мне дарога не ясная,
Што ляжыць у прасторы далёкія.
Без цябе мне дарога не ясная,
Што ляжыць у прасторы далёкія.

Дзе ж ты, зорка мая непагасная,
За якімі ты скрыта аблокамі?
Узыдзі, засвяці, зорка ясная,
Шчасцем сэрцу майму адзінокаму.
Узыдзі, засвяці, зорка ясная,
Шчасцем сэрцу майму адзінокаму.

Дзе ты зорка?
Дзе ты, дзе ты, зорка мая?
Дзе ты зорка?
Дзе ты, дзе ты, зорка мая?
---
Музыка: Iгар Лучанок
Словы: Адам Русак
Студыя Беларускага тэлебачанная.
Музычнае суправаджэнне – секстэт домраў Беларускага радыё пад кіраўніцтвам заслужанага артыста Рэспублікі Беларусь, дырыжора і кампазітара Леаніда Смялкоўскага.