طلال مداح - غنيت ماقصدي طرب | جلسه

-

طلال مداح - غنيت ماقصدي طرب
#جلسه | #طلاليات | #عود

غنيت ماقصدي طرب في حياتي
لاشك من دورات الأيام غنيت
وجاوبت ورقا الراعبي عن سكاتي
غنى وأنا غنيت مثله وونيت

نشدتني عن حالتي ياشفاتي
وانا مريض القلب لو إني أخفيت
أضحك وونات الحشا موجعاتي
وأشرب قراحٍ وكن شربي من الزيت

بالعين ياخالد نشوف الجناة
ياعز راسي شفت الإجرام وأغضيت
وأغيب كنَّي محرِمٍ في صلاتي
لو هو ندَّهني رافع الصوت ما أوحيت

محدٍ يعرف جروحي الخافيات
إلى نشدني واحد عنه صديت
أصد وأبغض ناقلين الوشاة
وأناجي اللي مالغيره ترجيت

ماظن به حيٍ يسوي سواتي
وحيد بالدنيا وأصارع عفاريت
وذكرت دور أيامنا الماضياتي
وألحقت مع عبرات صدري تناهيت

ياكثر ماشفنا من العايباتي
إلى زعلت من الخطا قالوا أخطيت
طاحت على الكتفين فجّة عباتي
وحلقت بالافكار ثم أستلجيت

وفكرت في شيء جرى لي وفاتي
حيف يفتت بسرة القلب تفتيت
من جور هوله زلزل الراسياتي
يميت حي وباللحد يزعل الميت

كلمات : محمد الاحمد السديري
الحان : طلال مداح
_________________________________
  / watrngham