ABDOU CHERIF 2016 عبدو شريف /وجمال الاداء وعمق الاحساس في اغنية يا خلي القلب

عندليب الشرق المغربي..عبدو شريف..وادائه الرائع والمتميز في اغنية يا خلي القلب.ضمن مشاركته في مهرجان الموسيقى العربية...وما يعرف عن الفنان عبدو شريف اتقانه لاداء الاغاني العربية والغربية الكلاسيكية بقدرات وتقنيات صوتية وغنيائية وادائية ..لا تليق الا بنوع متقدم من الغناء الصعب والدي يتفرد به عدد قليل المغنيين في العالم ..
يا خلي القلب
كلمات: مرسى جميل عزيز
ألحان: محمد عبد الوهاب

كلمات الاغنية
يا خلي القلب يا حبيبي
لو فى قلبك قد قلبي حب يا حبيبي
لو بتكوي النار نهارك لو بتسهر زي ليلي
لو صحيح بتحب كنا نحضن حبنا ونبعد بعيد
عن عيون الدنيا عن كل العيون
لو فى قلبك قد قلبى حب
كنا نمشي الف ليله وليله ليل ونهار
لما نوصل نجمه ما لهاش اى جار
والا نسكن لؤلؤه فى ابعد بحار يا حبيبي
القمر القمر خدنا على موجه قمر
فوق الصحاري والسما والبحر والليل والوجود
فوق عيون الناس فوق جبال الشوق وفوق كل الحدود
القمر خدنا لجزيره ابعد من الخيال
لا شافتها عين ولا خطرت ببال
لا شافتها عين ولا مرت ببال
يا حبيبي وصلنا فوق بر الامان
افتح البيبان لقلبك ولشبابك ولحبيبك
ابعد الخوف عن رموشك اوعى شئ فى الكون يحوشك
غني .. ارقص ..اجري ..اجري .. اجري
اضحك قل بحبك
وانس كل الدنيا الا عيوني عيون حبيبك
ما تشوفكش عيون يا حبيبي
شفت وخداني الاماني لحد فين شفت بحلم بحلم قد ايه
يرضيك نحب الحب ده ونعيش بعاد بالشكل ده
عايز احس بحب مالي كل لمحه من وجودك
عايز احس اني ابتسامتك دمعتك فرحه شبابك لون خدودك
عايز احس اني حبيبك ولهيبى يصحي لهيبك
يا حبيبي رجعنا فوق بر الامان
افتح البيبان لقلبك ولشبابك ولحبيبك
ابعد الخوف عن رموشك اوعى شئ فى الكون يحوشك
غني ارقص اجري اضحك غير عيوني عيون حبيبك
ما تشوفكش عيون يا حبيبي