ಓಂ ಶ್ರೀ ಗುರು ಸಿದ್ದ ಕನ್ನಡ ಭಜನೆ ಪದಗಳು || Kannada bhajane song's

#bhajanapada #bhajan #folk #song
#kannada
#tatvapadagalu
#ಭಜನಾಪದಗಳು
#ಭಜನಾಹಾಡುಗಳು

ಶ್ರೀ ಗುರು ಸುಕ್ಷೇತ್ರಕ್ಕಿಂದು 

ಹೋಗಿ ಯಾತ್ರೆಯ ಮಾಡಿ ಬಂದೆ

 ಶ್ರೀ ಗುರು ನಮ್ಮ ಶರೀರ ದೋಳುಂಟು 


| ಓಂ ಶ್ರೀ ಗುರು ಸಿದ್ದ ಯೋಗಿ ಜನರಿಗೆ ಮರ್ಮ ಬೇರುಂಟು |


ಆರು ಬೆಟ್ಟಗಳೇರಿ ನಡೆದೆ 

ಮೂರು ಕೊಳ್ಳುವ ಮೂಲಕ್ಕಿಳಿದೆ 

ಏರಿ ನೋಡು  ಕೈಲಾಸದ್ವಾರಗಳು


|ಓಂ ಶ್ರೀ ಗುರು ಸಿದ್ದ ಸಾರಬಡಗಲ ಗುಡಿಯ ಕಂಡೆನಾ|


ಏಳಸುತ್ತಿನ ಕೋಟೆಯೊಳಗೆ 

ಮೇಲುಗುಪ್ಪರ ಗಿರಿಗಳ ನಡುವೆ

 ತಾಳ ಮದ್ದಲೆ ಗಂಟೆಗಳುಮೊಳಗಿ


|ಓಂಶ್ರೀ ಗುರು ಸಿದ್ದ ವೇಳೆ ವೇಳೆಗೆ ತಾವೇ ನುಡಿದಾವೋ|


ಒಂಬತ್ತು ಬಾಗಿಲದೋಳು 

ಇಂಬಲಾದವು ಬೀದಿ ನಾಲ್ಕು 

ತುಂಬಿ ಸೋಸುವ ಕೊಳ್ಳಗಳೆಂಟು


|ಓಂ ಶ್ರೀ ಗುರು ಸಿದ್ದ ಕಂಭವೆರಡು ಶಿಖರವೊಂದುಂಟು|


ಪಾತಳ ಗಂಗೆಯೊಳು ಮಿಂದು

 ಹೋತ ಶಿಖರೇಶ್ವರನಿಗೇರಿ 

ಜೋತಿರ್ಲಿಂಗಕ ದೃಷ್ಟಿ ಹೂಡಿದೆನು


|ಓಂ ಶ್ರೀ ಗುರು ಸಿದ್ದ ಜೋತಿರ್ಲಿಂಗವು ಕರದೊಳು ಕಾಣಿಸಿತು.|


ಬರುವ ಕೋಣಗಳೆಂಟು ಬಡದೆ 

ಇರಿಯ ಹುಲಿಗಳನಾರು ತಡದೆ 

ಮೆರೆವ ಸರ್ಪಗಳೆಡೆಯ ಮೆಟ್ಟಿದೆನು


|ಓಂ ಶ್ರೀ ಗುರು ಸಿದ್ದ ಸರ್ಪಕಪಿಯನು ಇಡಿದು ಕಟ್ಟಿದೆನು|


ಇಂದ್ರ ದಿಕ್ಕಿನೊಳಿರುವ ಸೂರ್ಯ 

ಚಂದ್ರದಿಕ್ಕಿನ ಪುರದೊಳು ಮುಳಗಿ 

ಅಂದ ಚಂದದ ಬೆಳಕ ತೋರಿದನು


|ಓಂ ಶ್ರೀ ಗುರು ಸಿದ್ದ ಹಿಂದ ನೋಡಲು ಬಯಲಿಗೆ ಬಯಲಂದ |


ಸಪ್ತ ಸಾಗರ ನದಿಯ ದಾಟಿ 

ಗುಪ್ತ ಕದದೊಳು ಬನದಲಿ ಸುಳಿದು 

ನಿತ್ಯ ಗುಡಿಯೊಳು ಗೋಪುರ ಹೊಕ್ಕೇನು


|ಓಂ ಶ್ರೀ ಗುರು ಸಿದ್ದ ಸಪ್ತ ವರ್ಣದ ಲಿಂಗ ಕಂಡೆನು|


ಇರಿಯ ಶಿಖರದ ಅಗ್ನಿ ಮುಖದೊಳು

 ಅರಿತು ಅಡಕೇಶ್ವರನ ಕೇಳಿ

 ಜೋತಿರ್ಲಿಂಗಕ್ಕೆ ದೃಷ್ಟಿ ಗೊಂಡೇನು 


| ಓಂ ಶ್ರೀ ಗುರು ಸಿದ್ದ ಅರ್ಥ ಸೇವಿಸಿ ಮರಣವಿಲ್ಲೆಂದ|

 

ಇಂಥ ಶ್ರೀ ಶೈಲ ಗನವದೊಳಗ

 ಬ್ರಾಂತಿಗೆಟ್ಟು ತಿರುಗಿ ನೋಡಲು

 ಅಂತರಂಗದ ಗುಡಿಯ ಕಂಡೇನು


|ಓಂ ಶ್ರೀ ಗುರು ಸಿದ್ದ ಶಾಂತಮಲ್ಲಯ ತಾನೇ ಆಗಿದನು|