Top Channel/ Mblesi i 280 çifteve/ Eshtë nga Gramshi, por gruan e ka njohur vetë

Teksa të dashuruarit sot festojnë ditën e tyre, qindra çifte e nisën historinë e bashkëjetesës duke mësuar të dashurohen e te respektojnë njëri tjetrin çdo ditë.

Qerim Vlashi nga fshati Gjergjovinë i Gramshit është shkesi i plot 280 çifteve, prej të cilëve është ndarë vetëm një.

“Kam bërë 280 çifte. Më është ndarë vetëm një, por edhe atë e zëvendësova, gjeta nuse tjetër. …..Vinin çunat dhe kërkonin. Unë i thosha ka një vajzë, shihe me telefon, nëse të pëlqen e bëjmë”, tha Qerim Vlashi.

Edhe pse është betuar ta çojë në 300 numrin e çifteve që ka prezantuar, Qerimi vitet e fundit po përballet me një vështirësi.

“Tani është e vështirë për të martuar çiftet, ikën në Tiranë, nuk ka më vajza. Këtu në fshat janë 20 shtëpi, janë 25 çuna nga 40 vjec e ska nuse. Jam munduar po ska. Shumë keq është bërë për cunat, gocat janë në Tiranë. Nuk vijnë ato, atje rrinë pa martuar e nuk vijnë. Na mori më qafë ajo Tirana vajti goca 35 pa martu”, th Vlashi.

E ndërkohë ndoshta mblesi më i madh në Shqipëri, bashkëshorten e tij e ka marrë me dashuri.

“Nusen time e kam marrë me dashuri. Isha minator, punoja në Kabash dhe vija për festën e 18 Gushtit, e shihja këtej rrotull. Në pazar i dola para, ishte e bukur ajo, pavarësisht se tani ka rënë. I thashe dy fjalë. Më tha fol me babin. Ika e takova dhe ramë dakord”, tha ai.

Për 80 vjecarin familja është e shëndetshme dhe mund të funksionojë vetëm nëse çifti shkon mirë, gëzojnë dashuri dhe respekt mes tyre.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Gramsh#Mblesi#TopChannelNews