افراح ذوي مسحل اداء نياف تركي

افراح ذوي مسحل
سعود بن مسعود
العتيبي
بمناسبة زواج ابنه : مرزوق

كلمات/ طليان الجحدلي
اداء/ نياف تركي

الكلمات


يامرحبا ترحيب تفرق مزاياه
على الشحم والعود والشاذليه

في حلة اللي الضيف تفرح بملفاه
وتقابله بالطيب والمقدريه

حلة ذوي مسحل هل الوجه والجاه
والجود فيهم والسطر والحميه

يامرحبا بسم الزحول المسماه
مرزوق وسعود الرجال الوفيه

رحب السحاب الممطر اللي نثر ماه
على الفيافي والديار السنيه

عاض البدو في دهرهم والمعاناه
وتباشروا من كل صوب ونحيه

عطية اللي كل مكلوم يرجاه
الواحد المعبود رب البريه

يامرحبا في مرحبا رحب يقفاه
العز والتكميل والنار حيه

وحيلً تقلط في الصواني منقاه
واللي شراها ضيفته حاتميه

يقدم على الطاله بفعله ويمناه
ولا يحسب للظروف القويه