Тұсаукесер

Режиссер: @alisher_gumar
Операторлар: @alisher_gumar @erkebulan.gapuov93 @eg_zombie Монтаж: @eg_zombie
Текст: @nurlybek_rakhman
Тұсаукесер – сәби қаз тұрғаннан кейін тез жүріп кетсін деген тілекпен жасалатын қазақ халқының ғұрпы.
Тұсау – ақ жіп пен қара жіпті айқастыра есіп дайындалады. Бұл — өмір-тіршіліктің нышаны. Жақсылық пен жамандық, ыстық пен суық сияқты барлығы қос-қостан жаратылған. Жақсылықта асып-тасымасын, жамандық көрсе жасымасын, қуанышта асылық жасамай, қиыншылықта басылмай, екеуінен тең өтсін деген тілекпен ала жіппен баланың тұсауын кескен.

Ала жіпті көпті көрген, талай немере-шөбере сүйген әжелер әдемілеп ақ батасын беріп, баланың аяғына байлап береді.

Қыздың тұсауын қимылы ширақ әрі пысық, ақжарқын мінезді, көпке қадірлі келіншектерге, ұл баланың тұсауын елдің алдында жүрген ер-азаматтарға кескізген.

Тұсауы кесілген баланы қолынан ұстап жүгіртеді. Шашу шашылып, тұсаукесер жыры айтылады.

Баланың ата-анасы тұсау кесушіге кәдесін береді.

Тұсаукесер – қазақтың ұғымында баланың үлкен өмірге алар жолдамасы, тойдың басы, өмірге бастар қадамның алғашқы баспалдағы.