Da JailKhane Khob | Ghani Khan | Sardar Ali Takkar | د جېلخانې خوب | غني خان | سردارعلي ټکر
Автор: Meena Jibran
Загружено: 2020-01-18
Просмотров: 122652
شاعر: غنی خان
سندرغاړی: سردار علی ټکر
ـــــــ
د جېلخانې خوب
خوب وينم عالمه که يې څوک راکړي مانه
پروت يم سر مې ايښی د خپل يار په زنګانه
خوب وينم چې پورته په هوا لکه د باز شومه
کېناستم په بام د محمود سترګې د اياز شومه
پورته د خاموش زړګي نه خوږ د مينې ساز شومه
خر څه مې په حورو کړه د ډمو زمانه
خوب وينم چې ناست يم د جيندي په يخه غاړه
شاه مې سوېلو کې لکه سره شمعه ولاړه
سري شونډې موسکۍ شوې ما تې وې چې ژاړه ژاړه
څکه دې د زړه وينې، دا شراب دي مستانه
خوب وينم چې باغ دی د ګلونو او ماښام دی
سرې سترګې ساقي، د ساقي سرو ګوتو کې جام دی
لاس په ستار پروت لېونی مست لکه خيام دی
اړئ پرې نرۍ نرۍ د مينې افسانه
خوب وينم چې سپينه سپوږمۍ پاس په خندا راغلله
ما له محبوبا په شرم شرم تر خوا راغلله
شونډو کې شراب او په کوکۍ کې قضا راغلله
سُر خمار يې راکړ پيمانه په پيمانه
خوب وينم چې پټ شوم په نسيم کې بهر لاړمه
خوا له د جانان لکه د مينې نظر لاړمه
سترګو د دلدار له لکه خوب د صحرا لاړمه
يو شرنګ کې مې لوټ کړه د غمونو خزانه
خوب وينم چې زه لکه لولکه په سيل ووتم
پورته د نرګس نه شوم په خوا د رامبيل ووتم
تاو د سپينې غاړې د ليلا په اميل ووتم
پټ مې ورته ووې سلامونه جانانه
خوب وينم چې پورته لکه چغه د منصور شومه
يا يو موټی خاوره وم يا لوی درياب د نور شومه
خو بانګ د سحر وشو زه راويښ شوم کر و کور شومه
خوب يوړه خوبونه، را ژوندۍ شوه زمانه
وې، پرېوځه لېونيه تېروه دې جېلخانه
ــــــــــــــــــــــــــــ
Da JailKhane Khob | Ghani Khan | Sardar Ali Takkar | د جېلخانې خوب | غني خان | سردارعلي ټکر
Доступные форматы для скачивания:
Скачать видео mp4
-
Информация по загрузке:
