መስቀል ምልጣን ፳፻፲፫ ዓ/ም | Meskel Miltan 2020
Автор: Zikre Kidusan
Загружено: 2020-09-29
Просмотров: 27914
መስቀል ምልጣን ፳፻፲፫ ዓ/ም | Meskel Miltan 2020
እስ፣ መስቀል አብርሃ በከዋክብት አሠርገወ ሰማየ እምኵሉሰ ፀሐየ አርአየ መስቀል አብርሃ በከዋክብት አሠርገወ ሰማየ።
እስ፣ ብከ ንወግዖሙ ለኵሎሙ ፀርነ ይቤ ዳዊት በመንፈሰ ትንቢት በእንተ ዝንቱ ዕፀ መስቀል ዘተሰቅለ ዲቤሁ ቃለ አብ ወበስምከ ነኃሥሮሙ ለእለ ቆሙ ላዕሌነ ወካዕበ ይቤ ወወሀብኮሙ ትእምርተ ለእለ ይፈርሁከ ከመ ያምሥጡ እምገጸ ቅስት ወይድኃኑ ፍቁራኒከ ወንሕነኒ ንትፈሣሕ ዮም ወንግበር በዓለ በዛቲ ዕለት በዓለ እግዚእነ።
አመላለስ፤
ወንሕነኒ ንትፈሣሕ ዮም ወንግበር በዓለ፣
በዛቲ ዕለት በዓለ እግዚእነ በዛቲ ዕለት በዓለ እግዚእነ።
እስ ዘሰ፣ መጽአ ከመ ይግበር ሕይወተ ወተሰቅለ ከመ ይግበር መድኃኒተ ወሠርዓ ሰንበተ ለሰብእ ዕረፍተ አምላክ ዓቢይ ወልዑል ውእቱ ተቀነዋ እደዊሁ ቅዱሳት ረገዝዎ ገቦሁ በኵናት ውኅዘ ደም ወማይ ለመድኃኒተ ኵሉ ዓለም እንዘ ነአምን ወንገኒ ለሀይማኖተ መስቀል።
አንገርጋሪ፣ ይቤሎሙ ኢየሱስ ለአይሁድ እመኑ ብየ ወእመኑ በአቡየ ዮምሰ ለእሊአየ አበርህ በመስቀልየ።
ምል፣ እመኑ ብየ ወእመኑ በአቡየ
ዮምሰ ለእሊአየ አበርህ በመስቀልየ።
አመላለስ፤
ዮምሰ ለእሊአየ፣
አበርህ በመስቀልየ።
አቡን፣ በ፫ ዝንቱ መስቀል ቤዛነ መድኃኒትነ ለአይሁድ ስደተ ኮነ ዝንቱ መስቀል ቤዛነ መድኃኒትነ ወለነኒ ሕይወተ ኮነነ ዝንቱ መስቀል ቤዛነ መድኃኒትነ ዮም መስቀል ተሰብሐ ዮም መስቀል ለአኃው አብርሃ ዝንቱ መስቀል ቤዛነ መድኃኒትነ ዝንቱ መስቀል ቤዛነ መድኃኒትነ።
አመላለስ፤
ዝንቱ መስቀል ቤዛነ መድኃኒትነ፣
ዝንቱ መስቀል ቤዛነ መድኃኒትነ።
ዓራ፣ ወአንቲኒ ቀራንዮ መካነ ጎልጎታ እስመ በኀቤኪ ተቀብረ ኢየሱስ ክርስቶስ ህየ ህየ ህየ ንሰግድ ኵልነ ኀበ ቆመ እግረ እግዚእነ ኀበ ተረግዘ ገቦሁ ዮም በዓለ መስቀሉ።
ዓዲ ዓራ፣ ዕበይሰ ዘበህላዌሁ ትሕትና በፈቃዱ አምላክ አኃዜ ዓለም ዓቢይ ስሙ ከመ ዕቡስ ዲበዕፅ ሰቀልዎ ሱራፌል ወኪሩቤል ይኬልልዎ።
ሰላም፣ በ፪ ዮም በዓለ መስቀሉ በሰማያት በላዕሉ ወበምድር በታሕቱ ገብረ ሰላመ ለኵሉ።
Доступные форматы для скачивания:
Скачать видео mp4
-
Информация по загрузке:
