BBC-ის ფილმი - პოლიტიკური და სამართლებრივი რეაქციები

გამოკითხვებზე დაბარება დაიწყო - „ბიბისის“ საგამოძიებო ფილმში გაჟღერებული მძიმე ბრალდების გარშემო სუს-ს კითხვები აქვს იმ ადამიანებთან, რომელთა მონაყოლი შარშანდელი აქციების დროს ქიმიური იარაღის სავარაუდო გამოყენების მტკიცებულებად არის მოყვანილი. მათ შორისაა ექიმი და საპროტესტო გამოსვლების აქტიური მონაწილე კოტე ჩახუნაშვილი, რომელიც საგამოძიებო უწყებაში მისვლაზე უარს ამბობს და მაგისტრატი მოსამართლის წინაშე გამოკითხვას თანხმდება. სწორედ მან ჩაატარა აქციების დაშლის შემდეგ გარკვეული გამოკითხვები და კვლევები, თუმცა ამბობს, რომ 30-იანი წლების შემდეგ აკრძალულ ქიმიურ იარაღზე, ე. წ. კამიტზე საკმარისი ცოდნა არ აქვს და ამ საკითხში თავს კომპეტენტურად არ მიიჩნევს. ოპოზიციის და მესამე სექტორის ნაწილი საერთაშორისო გამოძიების დაწყებას და საქართველოში ექსპერტთა ჯგუფის გამოგზავნას ითხოვს. იყო თუ არა ნოემბერ-დეკემბრის დემონსტრაციების დაშლის დროს წყლის ჭავლში საშიში ქიმიური ნივთიერება გარეული - პირველ განმარტებას აკეთებს შინაგან საქმეთა მინისტრი, რომელიც ამბობს, რომ საქართველოს ბრიტანეთის სამაუწყებლო კორპორაციის საგამოძიებო ჯგუფის მიერ ნახსენები ქიმიური ნივთიერება არასდროს შეუსყიდია. გაჩნდა კითხვა - რა იგულისხმა გუშინდელი განმარტების დროს 2012 წლამდე შეძენილ ნივთიერებებში ვახტანგ გომელაურმა, რომელიც აქციების დაშლისას შს მინისტრის პოსტს იკავებდა და ჰქონდა თუ არა ქვეყანას ბრომბენზილ ციანიდი, იგივე ე. წ. კამიტი, რომელიც პირველი მსოფლიო ომის დროს გამოიყენეს.
სკანდალური შინაარსის შემცველი ფილმის კიდევ უფრო რეზონანსული გაგრძელება თათია ტაბეშაძის რეპორტაჟში.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.