الشاعر زمن البارودي - الفركه نار -بصوت علي العبيدي
Автор: Mohammed Raad Studio
Загружено: 2018-04-25
Просмотров: 5281
الفرگة نار..
توّج وسط گلبي وتريدك مرلي ماي
الليل جوع.. أعزمني مرة إعله النهــر
قشمر جروحي (بأجيتك) حتى أنـام
دزلي چلماتك وهــــم بيهن سلام
يلي بيني وبين بيتك شارع الفرگة طويل وبطوله محتله الظلام
منين أجيبن صَم نظر مگدار شارع حتى أجيك..؟؟
منين أجيبن عين ساعة وساعة أظل صافن عليك
كون أجيك ...
كون أصيرن جار شفتك ضحكة أريدن بيها أعيش
وحتى لو تحسبها اجار
أنت نظراتك حبال أتجر عقل كلمن يريدك
عكس نظراتي الصغار
عندي نظراتي أعله گدي..تباوع لأبعد مكان تشوف خدي
وتحسب دموعي التسيل تريد حيل
وأنه گاعــــــد أعثر بجرحي وأميل
وأعزف بلحن السوالف وأشتهيتك
شحة الكلمات... وأذني تريد صوتك يمي واگف
الزم حروفك جفاف
شما ألمهـن أقرة كلمة راح أروح
أدخل لعالم خيالك ذاك أمير
أرجع لواقع حياتي الگاك غير
تحبني ... بس تحب عذابي
تردلي ... بس توكف الخطوة گبال شامت ماتعبرة وتنحني وتحضنلي باب
گلبي أجل نبضة إله يمر هواك
نمت ليلي وهو گاعد نسه ينام ومانساك
وعشت آنه وگلبي حيرة أنروح ذلة
والبقاء يولد بنص گلبي عله
أووگفن بنص الدرب خطوة وكرامة ... عبّر الخطوة وتعال
فرّح اللحظات بيك
ما إجيت ..
وگلت أجيك وگلت أعوفن نظر عيني ..أحساسي يندل
لكن أعثر بالكرامة وما أجيك ....
.
.
.
.
تحية للمبدع زمن البارودي
Доступные форматы для скачивания:
Скачать видео mp4
-
Информация по загрузке:
