#ព្រះបន្ទូ
Автор: ការកើតជាថ្មី
Загружено: 2025-06-01
Просмотров: 88
#ចំណងជើងវីដេអូ៖ «ពាក្យសម្ដីជាទ្រព្យសម្បត្តិដ៏មានតម្លៃបំផុតរបស់អ្នក» Words—Your Most Valuable Asset
#រៀបរៀងឡើងដោយ Pastor Chris
#ព្រះបន្ទូលនៃសេចក្ដីពិតសម្រាប់ថ្ងៃអាទិត្យ ទី០១ ខែមិថុនា ឆ្នាំ២០២៥។
«ពាក្យសម្ដីជាទ្រព្យសម្បត្តិដ៏មានតម្លៃបំផុតរបស់អ្នក» Words—Your Most Valuable Asset
#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»
«ដ្បិតអ្នកនឹងបានរាប់ជាសុចរិត ដោយសារពាក្យសំដីរបស់ខ្លួន ឬនឹងត្រូវទោស ក៏ដោយសារតែពាក្យសំដីនោះដែរ។» (ម៉ាថាយ ១២:៣៧)។
មនុស្សជាច្រើនបានប្រើពាក្យសម្ដីខុស ដោយសារតែមិនដឹងពីតម្លៃ និងអំណាចរបស់វា។ ពួកគេមិននិយាយពាក្យសម្ដីឲ្យបានត្រឹមត្រូវនោះទេ។ ការនិយាយពាក្យសម្ដីឲ្យបានត្រឹមត្រូវមានន័យថា ជានិយាយពាក្យសម្ដីដែលស្របតាមព្រះបន្ទូលរបស់ព្រះ, និយាយនូវអ្វីដែលព្រះបានមានបន្ទូល។ ហេព្រើរ ១៣:៥-៦ ចែងថា៖ «...ដ្បិតទ្រង់បានមានបន្ទូលថា...បានជាយើងរាល់គ្នាអាចនឹងនិយាយ ដោយក្លាហានថា...»។ ពាក្យសម្ដីគឺជា «និស្ស័យឬធម្មជាតិ», ពាក្យសម្ដីគឺមានជីវិត, ពាក្យសម្ដីមានឬទ្ធិអំណាច, ពាក្យសម្ដីមានលក្ខណៈនៃការបង្កើត, ពាក្យសម្ដីកំណត់ជោគវាសនា ជាការកំណត់លទ្ធផលនិងសេចក្ដីពិតផងដែរ។
ប្រសិនបើអ្នកចង់យល់ថា ហេតុអ្វីបានជាជីវិតរបស់អ្នកទៅជាបែបនេះ សូមពិនិត្យមើល និងស្ដាប់ពាក្យសម្ដីរបស់ខ្លួនឯង។ ពាក្យសម្ដីដែលអ្នកនិយាយវានឹងកំណត់អំពីសុខភាព រូបរាង និងសូម្បីតែអនាគតរបស់អ្នកដែរ។ ចិត្តគំនិត និងពាក្យសម្ដីរបស់អ្នក វាមិនត្រឹមតែបង្កើតដល់ជីវិតរបស់អ្នកប៉ុណ្ណោះទេ តែថែមទាំងលក្ខណៈខាងក្រៅរបស់អ្នកទៀត។ ពាក្យសម្ដីគឺដូចជា សម្លៀកបំពាក់ដែលពាក់ឲ្យចិត្តគំនិត ហើយជីវិតរបស់មនុស្សគ្រប់រូបគឺជា ការឆ្លុះបញ្ចាំងអំពីគំនិតរបស់ខ្លួន។
ហេតុដូច្នេះហើយ ប្រសិនបើពាក្យសម្ដីគឺជាការបង្ហាញពីចិត្តគំនិត នោះពាក្យសម្ដីរបស់អ្នក វាក៏បង្ហាញអំពីចរិតលក្ខណៈរបស់អ្នកដែរ។ គ្មាននរណាម្នាក់អាចរស់នៅបាន ហួសពីចរិតលក្ខណៈនៃពាក្យសម្ដីរបស់ខ្លួនឯងបានឡើយ។ ពាក្យសម្ដីរបស់អ្នកគឺជា អ្នកដែលបង្កើតអ្នកខ្លួនអ្នកឡើង។ តើអ្នកធ្លាប់ឃើញមនុស្សដែលតែងតែមើលទៅព្រួយបារម្ភទេ ទោះបីជាពួកគេមិននិយាយត្រង់ៗក៏ដោយ? ទឹកមុខរបស់ពួកគេ និងពាក្យសម្ដីរបស់ពួកគេ វាបានផ្ទុកនូវស្នាមនឹងហើយ។ សុខភាព អារម្មណ៍ និងសូម្បីតែលក្ខណៈពិសេសនៃរាងកាយរបស់ពួកគេ ក៏សុទ្ធតែមានឥទ្ធិពលមកពីចិត្តគំនិត និងការនិយាយដែរ។ ពាក្យសម្ដីរបស់អ្នកគឺជា កម្លាំង ឬអំណាចដែលបង្កើតជីវិតរបស់អ្នក។
នៅពេលអ្នកនិយាយពាក្យសម្ដីនៃសេចក្ដីជំនឿ ជ័យជម្នះ អំណាច ភាពជោគជ័យ និងសុខភាព នោះជីវិតរបស់អ្នកនឹងស្របតាមពាក្យសម្ដីទាំងនោះ។ សុភាសិត ១៥:៤ ចែងថា៖ «អណ្ដាតដ៏ល្អ គឺជាដើមឈើជីវិត ឬឯអណ្តាតដ៏លំហើយ នោះជាដើមឈើនៃជីវិត...»។ សុភាសិត ១៨:២១ ចែងថា៖ «ទោះទាំងសេចក្តីស្លាប់ ហើយនឹងជីវិតក៏នៅក្នុងអំណាចនៃអណ្តាតដែរ អ្នកណាដែលចូលចិត្តប្រើ នោះនឹងស៊ីផលនៃអណ្តាតនោះឯង។»។ ពេត្រុសទី១ ៣:១០ ក៏កាន់តែបញ្ជាក់បន្ថែមទៀតថា៖ «ដ្បិត «អ្នកណាដែលចូលចិត្តចង់ស្រឡាញ់ជីវិត ហើយចង់ឃើញគ្រាដ៏ល្អ នោះត្រូវបញ្ចៀសអណ្តាតពីសេចក្តីអាក្រក់ចេញ ហើយបបូរមាត់ក៏ដែរ កុំឲ្យពោលពាក្យប្រកបដោយឧបាយកលឡើយ»។ ចូរនិយាយពាក្យសម្ដីដែលត្រឹមត្រូវ ដ្បិតអ្នក នឹងទៅយ៉ាងនោះ តាមអ្វីៗដែលអ្នកនិយាយ, អ្វីៗដែលអ្នកនិយាយ គឺជាអ្វីដែលអ្នកនឹងទទួលបាន (ម៉ាកុស ១១:២៣)។ សូមថ្វាយការសរសើរដល់ព្រះ!
#សេចក្ដីអធិស្ឋាន
ឱព្រះវរបិតាជាទីស្រឡាញ់អើយ ទូលបង្គំសូមអរព្រះគុណព្រះអង្គសម្រាប់អំណាចនៃពាក្យសម្ដី និងសមត្ថភាព ឬអំណាចក្នុងការនិយាយ ដ្បិតអី វានឹងកំណត់អំពីអនាគតរបស់ទូលបង្គំថា នឹងស្របតាមព្រះហឫទ័យដ៏ល្អឥតខ្ចោះរបស់ព្រះអង្គ។ ពាក្យសម្ដីរបស់ទូលបង្គំពេញដោយសេចក្ដីជំនឿ កម្លាំង និងប្រាជ្ញា ដែលវានាំមកនូវសុខភាពដល់រូបកាយទូលបង្គំ វានឹងនាំសេចក្ដីរីករាយដល់វិញ្ញាណទូលបង្គំ នឹងភាពជោគជ័យដល់់គ្រប់ទាំងផ្លូវរបស់ទូលបង្គំ។ ទូលបង្គំដើរក្នុងជ័យជម្នះនេះជានិច្ច ទូលបង្គំសូមអធិស្ឋាននៅក្នុងព្រះនាមព្រះយេស៊ូវ។ អាម៉ែន។
#ការសិក្សាបន្ថែម៖ សុភាសិត ១៨:២១ យ៉ាកុប ៣:៥-៦ ម៉ាកុស ១១:២៣
Доступные форматы для скачивания:
Скачать видео mp4
-
Информация по загрузке:
