Զինվոր
Автор: Յուրի Սահակյան - Yuri Sahakyan - Юрий Саакян
Загружено: 2025-12-07
Просмотров: 192
Երգը նվիրվում է 44 օրյա պատերազմի հերոսներին
Տեքստի հեղինակ՝ Յուրի Սահակյան
Երաժշտությունը և կատարումը՝ AI-ի
ԶԻՆՎՈՐ
Ինձ հրացան են վստահել
Ու խրամատ՝ փոքրիկ ու նեղ:
Կյանքով պիտի այն պաշտպանեմ,
Հաղթեմ և կամ զոհվեմ այստեղ...
Քանի գրոհ ետ եմ մղել,
Խուսափել եմ քանի մահից,
Քանի անգամ ինձ է նայել
Ճիվաղային դեմքը Ահի:
Ծաղրել է նա կամքս համառ,
Հուշել է ինձ` թող ու փախիր,
Քեզ սատարող էլ չմնաց
Ոչ քո աջից, ոչ քո ձախից...
Ձախից, իրոք, չեն կրակում,
Չեն կրակում աջից, իրոք:
Գուցե նրանք զոհվել են.. Բայց
Զինվոր չեմ ես մարտը լքող:
Ուրեմն ես ճիգն եմ վերջին
Այս մի կտոր խոցված հողի,
Ու ես պիտի մեխեմ տեղում
Ինձ նվաճել կամեցողին...
Զենքդ նետիր,- Ահն է ասում,-
Մարտը տանուլ եք տվել դուք:
Իսկ ես պիտի մնամ անպարտ`
Թեկուզ տանուլ տված մարտում:
Ու քանի դեռ շնչում եմ ես,
Ու չեմ լքել իմ դիրքը դեռ,
Ուրեմն դեռ ուժ ունեմ ես,
Ուրեմն ես հույս ունեմ դեռ:
Ուրեմն դեռ չեք հաղթել դուք,
Ուրեմն դեռ մենք չենք պարտվել,
Ուրեմն դեռ մարտը վերջին
Դեռ ոչ մի կերպ չի ավարտվել:
Ուրեմն դեռ չի սպառել
Երկիրս ուժն իր առնական,
Ուրեմն դեռ երկիրն իմ կա,
Քանի դեռ ես կռվում եմ` կամ:
Доступные форматы для скачивания:
Скачать видео mp4
-
Информация по загрузке:
