Vice Ganda, nag-alala sa kalagayan ng mga guro sa Pilipinas | It's Showtime | November 29, 2025

Nabilang n’yo na ba ang mga araw? Uy, 24 days na lang Pasko na! Pero bago mag-Pasko, let’s be merry muna sa Magpasikat 2025 na magsisimula na sa Lunes. Ang bilis talaga ng panahon, ano? Aba, 16th anniversary na ng “It’s Showtime,” ang paborito nating ka-bonding sa good vibes at tawanan sa FUNanghalian. Kaya naman senti mode on na ang everyone. Ang Showtime family, binalikan ang ‘di nila malilimutang Showtime core memories. Para sa bunso ng grupo, si Darren Espanto, anong Showtime moment nga ba ang kanyan paborito? Play the video to know!

Hindi lang halagang P500 ang Noche Buena ng isang lucky players sa Laro Laro Pick dahil P300,000 ang naghihintay na POT money sa isang maswerteng aabot sa jackpot round at mangangahas na sagutin nang tama ang POT question. Bongga ng papremyo, ‘di ba?

Sana bongga rin ang sweldo ng mga manggagawang Pilipino, lalo na ang mga guro. Hindi maiwasan ni Vice Ganda na malungkot at mag-react tungkol sa maliit na sweldo ng guro sa Pilipinas. Aniya, sana maalagaan ang mga mahal nating guro, bago pa sila maubos. Dahil kapag ang mga guro ay nagpasyang mangibang-bansa, baka wala nang matira na huhubog sa kaalaman ng mga bata.

Samantala, for today’s laro, ang mga bumida sa game arena ay mga magulang na may pitong anak o higit pa! Baka nasanay na lang tayong mga Pilipino na ginagawang katatwanan o iniiwasan ang mga ganitong usapan. Pero sa lala ng problema ng Pilipinas, lalo na sa lumolobong populasyon, ani Vice Ganda, mahalagang topic ang family planning. Bagama’t maging siya’y takot pag-usapan ito, dahil baka ma-offend ang ibang tao.

Kinilala ng hosts si Elsa, na labinlimang beses nakabuo ng bata sa sinapupunan. Hindi nga lang pinalad na mag-survive ang tatlo, kaya 12 anak ang natira. Kung akala n’yo ay hindi na kabisado ni Elsa ang mga pangalan at edad ng anak niya, ibahin n’yo this mama dahil matalas pa ang kanyang memorya! Patawa-tawa lang si Nanay

Elsa, pero malungkot ang kwento ng buhay niya. Dahil matapos makabuo ng 15 anak, ayun si mister, sumakabilang-bahay. Kaya mag-isa niyang itinaguyod ang malaking pamilya.

Naging emosyonal si Elsa habang naglalabas ng tunay na damdamin. Aniya, mahirap ang buhay, lalo na’t mahirap isipin kung paano pagkakasyahin ang kita na katiting.

Relate sa problemang ‘yan si Rosalie, biyuda na may walong anak at 19 na apo. Kuwento niya, hindi nakapag-aral ang mga anak dahil nawili sa pagtitinda ng sampaguita at maagang nag-asawa. Pero tulad ni Elsa, masayahin din si Rosalie. Napaisip tuloy si Meme kung ang mga tulad nina Elsa at Rosalie ay nag-aanak nang marami upang maraming paghugutan ng saya at pagmamahal. The more, the merrier nga ba?

Alam n’yo ba kung bakit parang kinikiliti si Nanay Rosalie? Dahil nakita niya ang mga paboritong artista, lalo na si Kim Chiu. Dahil love niya si Kimmy, kung siya ang papipiliin, si Paulo Avelino ang gusto niya para sa aktres. Ay, si mommy, walang preno at tinawag ang isang aktor na babaero. Nagulat tuloy si Chinita Princess.

Samantala, dahil parehong walang bubong at walang ngipin ang dalawang nanay, si Vice Ganda na ang bahalang magbigay. Pero hiraman na lang mga mommies. Eme!

Sa “Laro Laro Pick” featuring mga magulang na may pitong anak o higit pa, umabante sa jackpot round si Jameelah. Naikuwento niya na lubog silang mag-asawa sa utang at malapit nang mapaalis sa bahay na tinitirhan.

Si mister ay rumaraket bilang pintor, siya naman ay stay-at-home mom pero kung talagang kinakapos ay rumaraket din siya sa paglalako ng sari-saring items. Alam naman ni Rosalie na silang mag-asawa pa rin ang susi sa pagbabago ng kanilang sitwasyon at kapalaran. Kaya sa pagpili ng Pot o Li-Pot, siya’y naging maingat.

Hanggang sa tinanggap niya ang P40,000 offer sa Li-Pot, na bagama’t hindi kasinlaki ng P300,000 Pot money ay mahirap na rin kitain. Congrats, Jameelah! May P40,00 ka!

Pro dahil it’s the season of giving, naisip ni Vice Ganda na bigyan ng bonus round si Jameelah. May additional 10,000 pesos kung masasagot niya ang Pot questions na, “Ano ang ibig sabihin ng PUP?” ‘Yun nga lang ay hindi niya ito nasagot nang tama! Kayo, Madlang People, alam n’yo ba ang sagot dito?

Samantala, extra exciting ang Laro Laro Pick next week dahil kadikit nito ang 16th Magpasikat anniversary celebration ng “It’s Showtime” at 1 million pesos ang POT money!

Kung ang mag-jowa na swak sa isa’t isa ay sa kasalan ang ending, sa “TNT Duets 2” entablado naman makakarating ang mga boses na may perfect blending. Weekly finals na ulit, kaya lahat ay napakapit sa performances na malulupit. Ang iba’y napapikit, nanalangin na sana ang gong ay huwag humagupit!

Naunang sumalang ang Monday winners na sina Ariel Abella at Angel Recabo, singing “Saving All My Love For You.” Nagbabalik din sa entablado ang duo nina Shirlyn Hida at Bhal Sagaysay upang awitin ang “Isa Pang Araw” ni Sarah Geronimo. At muling humugot ang pares nina Emmanuel Pescador at Hana Adriano sa kantang “Araw-Araw” by Ben&Ben.

#abscbnentertainment
#itsshowtime