တောင်တန်းသာသနာပြုဆရာတော်ဘုရားကြီး ဦးဥတ္တမသာရ၏ ပရိတ်ကြီး (၁၁)သုတ် | နတ်ချစ်ဂါထာတော်များနှင့် ကမ္မဝါ

တောင်တန်းသာသနာပြုဆရာတော်ဘုရားကြီး ဦးဥတ္တမသာရ ရွတ်ဖတ်ပူဇော်တော်မူသော သတသဟဿာရဟဂါထာတော်ကြီး၊ ပရိတ်ကြီး ၁၁ သုတ်၊ ဂုဏ်တော်ကွန်ချာ နှင့် ကမ္မဝါ တရားတော်ဖြစ်ပါသည်။ အိမ်တိုင်းတွင် နေ့ ၊ ည မရွေး ပူဇော်အပ်သော ပရိတ်တရားတော်ဖြစ်ပါသည်။
သတသဟဿာရဟဂါထာတော်ကြီးမှာ ကဿပမြတ်စွာဘုရားရှင်ဟောကြားတော်မူသော အဖိုးတစ်သိန်းထိုက်တန်သည့်နတ်ချစ်ဂါထာတော်ဖြစ်ပါသည်။
ပရိတ်ကြီး ၁၁ သုတ်မှ မင်္ဂလသုတ်တော်ကို ပူဇော်နာယူခြင်းဖြင့် ကျက်သရေမင်္ဂလာရှိခြင်း၊ လူ နတ်အပေါင်းချစ်ခင်ခြင်း၊ အတိတ်ဆိုး၊ နိမိတ်ဆိုးများကင်းပျောက်စေပါသည်။
ရတနသုတ်တော်ကို ပူဇော်နာယူခြင်းဖြင့် ရောဂါ ကပ်ဘေးများမှကင်းဝေးခြင်း၊ အမှောင့်ပယောဂများမကပ်ငြိနိုင်ခြင်း၊ ကျန်းမာခြင်း၊ ရောဂါကင်းခြင်း အကျိုးများရရှိနိုင်ပါသည်။
မေတ္တာသုတ်တော်ကို ပူဇော်နာယူခြင်းဖြင့် နတ်ဘီလူးများချစ်ခင်ခြင်း၊ စောင့်ရှောက်ခြင်း၊ ဘေးရန်အပေါင်းကင်းဝေးခြင်းအကျိုးများရရှိစေပါသည်။
ခန္ဓသုတ်တော်ကို ပူဇော်နာယူခြင်းဖြင့် အဆိပ်ရှိသတ္တဝါများဘေးမှကင်းဝေးစေပါသည်။ မောရသုတ်တော်ကို ပူဇော်နာယူခြင်းဖြင့် သူတပါးမကောင်းကြံခြင်းမှကင်းဝေးစေပါသည်။
၀ဋ္ဋသုတ်တော်ကို ပူဇော်နာယူခြင်းဖြင့် မီးဘေး၊ သူခိုးဓားပြဘေးကင်းဝေးစေပါသည်။
ဓဇဂ္ဂသုတ်တော်ကို ပူဇော်နာယူခြင်းဖြင့် ကြောက်ရွံ့ခြင်းမှကင်းဝေးစေပါသည်။
အာဋာနာဋိယသုတ်တော်ကို ပူဇော်နာယူခြင်းဖြင့် တန်ခိုးကြီးနတ်မင်းကြီးများ စောင့်ရှောက်မှုရရှိစေပါသည်။
အင်္ဂုလိမာလသုတ်တော်ကို ပူဇော်နာယူခြင်းဖြင့် မီးဖွားရလွယ်ကူစေပါသည်။
ဗောဇ္ဈင်သုတ်တော်ကို ပူဇော်နာယူခြင်းဖြင့် ရောဂါဖြစ်သူများပြန်လည်ကျန်းမာလာစေပါသည်။
ပုဗ္ဗာဏှသုတ်တော်ကို ပူဇော်နာယူခြင်းဖြင့် ရန်သူမျိုး ၅ပါးဘေးကင်းဝေးခြင်း၊ လာဘ်လာဘပေါများခြင်း အကျိုးများ ရရှိနိုင်ပါသည်။ ဂုဏ်တော်ကွန်ချာတရားတော်နာယူရခြင်းဖြင့်စီးပွားလာဘ်လာဘများတိုးပွားရရှိခြင်းအကျိုးကိုရရှိနိူင်ပါသည်။
ကမ္မဝါတရားကိုနာယူရခြင်းဖြင့် မမြင်ရသောရန်အပေါင်းကင်းဝေးစေပါသည်။