"हे शिवाजी राजा"🙏 ... ग.दि.माडगूळकर (By Paloma Sumitr Madgulkar | चि.पलोमा सुमित्र माडगूळकर)
Автор: Sumitra Madgulkar
Загружено: 2022-02-18
Просмотров: 852
मराठी माणसाची अस्मिता आणि अभिमान अर्थातच छत्रपती शिवाजी महाराज!,आज त्यांची जयंती,त्यानिमित्त गदिमांच्या शब्दातले शिवराय खास तुमच्यासाठी....
सादरीकरण : चि.पलोमा सुमित्र माडगूळकर
(वय वर्षे ११,गदिमांची पणती )
हे शिवाजी राजा
.......ग.दि.माडगूळकर
सुविचारपूर्वक,
कुठल्याही सीमोल्लंघनाला
निघालो आम्ही मराठी माणसे
की
मनाच्या डोळ्यांना दिसते,
आघाडीवर डौलत चालणारी
तुमची कृष्णा घोडी
आणि
शत्रूंच्या दृष्टीला,
कधीही न पडू शकलेली
तुमची पाठ,
ढाल लटकावलेली.
अनोळखी अरण्यात
अगतिक होऊन अडलो,
भांबावून थांबलो,
तुमची ती भवानीच
दाखविते दिशा
आम्हाला,अजूनही.
कुठलाही पराक्रमाचा पर्वत
चढून जाण्याची जिद्द
बांधली आम्ही देशबांधवांनी
तर
शिखरावर पोचताच
प्रत्यय येतो,
की
तिथल्या खडकावर
उमटली आहेतच
तुमची चरण चिन्हे
पिढय़ांपूर्वी.
तुम्ही होऊन गेलात म्हणूनच,
मराठीपणाचा ताठा
साठला आहे
आमच्या मस्तकात
आणि मनगटात.
तुमची थोरवी वर्णावी
एखाद्या भाग्यवंत भूषणाने
किंवा
परमानंदासारख्या पंडितांनी
आम्हा मराठी माणसांचा सूर्य
आमच्या डोळ्यांपर्यंत पोचतो,
प्रत्येक उगवत्या सकाळी,
ते तुमच्या ध्वजाचा
भगवा रंग शिडकावीत
आणि
तुमच्या अलौकिक ऐश्वर्याचा
जरिपटका फडकावीत
हे मात्र निश्चित.
Доступные форматы для скачивания:
Скачать видео mp4
-
Информация по загрузке:
