Daladan dasturxongacha biz siz bilan

Yangiyo‘l tumanida qishloq xo‘jaligi mahsulotlarini ixtisoslashtirilgan MCHJlarning yirik plantatsiyalaridagi jami 112 gektardan iborat 27 ta issiqxonalarda ixtisoslashtirilgan mahsulotlar yetishtiriladi va yetishtirilgan mahsulotlar ichki hamda tashqi bozorga chiqariladi.

Tumanda tashkil etilgan “Yangiyo‘l – Agro Star” MCHJ va “Biznesni rivojlantirish banki” ATB KBKM xodimlari bilan birgalikda hududlarda aholi tomorqalari, dehqon va fermer xo‘jaliklar vakillari bilan suhbat va uchrashuvlar o‘tkazilib, mavjud muammolar va takliflar o‘rganildi.

Mahsulotlarni yetishtirishda agrotexnik tadbirlar uchun arzon turdagi urug‘lar, mineral o‘g‘itlar va kimoviy vositalarga talablar mavjudligi aniqlandi.

Hozirda kompaniya tomonidan birinchi qo‘ldan arzon narxlarda ushbu mahsulotlarni yetkazib berish maqsadida tumandagi 5 ta hududda, agro xizmatlar ko‘rsatish majmuasini tashkil etish rejalashtirilgan.

Xo‘jaobod mahallasi hududida “Yangiyo‘l – Agro Star” MCHJ tomonidan “Yangiyo‘l agro star xizmatlari” majmuasi tomorqa yer egalari, dehqon va fermer xo‘jaliklari vakillariga qulaylik yaratish maqsadida tashkil etilgan bo‘lib, urug‘, o‘g‘it hamda kimoviy vositalar omborida jami 11 xil turdagi pomidor navlari urug‘lari, 26 xil turdagi kimoviy vositalar, 4 xil turdagi (selitra, sulfat ammoniy, karbamid, ammofos) asosiy bo‘lgan mineral o‘g‘itlar mavjud.

Shu orqali urug‘larning narxlari 2 barobargacha, mineral o‘g‘itlar va kimoviy vositalarning narxlari 10-20 foizgacha arzonlashdi.

Ushbu sohada aholi savodxonligini oshirish, yuqori daromad olishga erishish maqsadida o‘quv kurslari ham tashkil etilgan.