Fëmijët duhet edukuar që ta kenë frikë Allahun -te ala- - Abdurr-Rrezak El-Bedr

Shejkh Abdurr-Rrezak El-Bedr
Përktheu: Valdet Gashi
www.perlatmuslimane.com

Profeti ﷺ ka thënë:

“Dhe edukoni ata që ta kenë frikë Allahun!”

Ky është themeli dhe baza e edukimit të mirë, por shpesh neglizhohet nga shumë edukatorë, mësues, baballarë dhe nëna.

“Dhe edukoni ata që ta kenë frikë Allahun!”

Shumë prej tyre i mësojnë fëmijët të frikësohen nga ata vetë, i mësojnë fëmijët të frikësohen nga ata vetë, jo nga Allahu. Kjo është një mangësi në edukim. Thelbi i edukimit është që fëmija të edukohet që ta ketë frikë Allahun.

Shikoni si Lukmani, i urti, e edukoi djalin e tij për ta pasur frikë Allahun, në ajetin ku i thotë:

“O djali im, edhe veprën e rëndë sa kokrra e sinapit që ndodhet në shkëmb, në qiej apo në tokë, Allahu do ta nxjerrë në shesh. Me të vërtetë, Allahu njeh mirë çdo imtësi dhe i di të gjitha fshehtësitë.” Lukman, 31:16

Ku është ky lloj edukimi në krahasim me fjalët e atij që i thotë djalit të tij: “O djali im, nëse bën këtë e këtë, unë do të ndjek ty, do të kontrolloj ty, do të kërkoj, do të vëzhgojë.”

Me çfarë e frikëson në këtë rast?

Me vetveten, ndërsa parësorja duhet të jetë frika ndaj Allahut.

Kur e frikëson me Allahun tebarak ue te ala-, fëmija rritet duke qenë gjithmonë i vetëdijshëm se Allahu -subhanehu ue te ala e sheh dhe e vëzhgon e gjithmonë.Ndërsa nëse e frikëson vetëm me veten, kur fëmija të shohë një ditë prej ditëve se babai i tij ose edukatori nuk janë të pranishëm, ai fillon të devijojë/ mëkatojë. Kjo është një mangësi në edukim dhe disiplinim.

Prandaj profeti ﷺ ka thënë:

“Edukoni ata që të kenë frikë nga Allahu.”

Që do të thotë se fëmijët dhe familja duhet të edukohen që ta kenë frikë Allahun tebarek ue te ala dhe që ta dinë se Allahu subhanehu ue te ala gjithmonë i vëzhgon.

Duhet t’i thuhet fëmijës:

“O bir im, Allahu është Dëshmitar mbi ty dhe Mbikëqyrës i veprave të tua. Ai të sheh kudo që të jesh. Ai dëgjon fjalët e tua, sheh veprat e tua, lëvizjet dhe heshtjen tënde. Edhe nëse je në një dhomë të errët apo në një vend bosh, Zoti i botëve të sheh.”

Pra nëse babai shpesh i jep këtë këshillë djalit, djali, me lejen e Allahut tebarek ue te ala rritet duke qenë gjithmonë i vetëdijshëm se Allahu e vëzhgon atë.

Ky është kuptimi i fjalëve të tij ﷺ:

“Dhe edukoni ata që ta kenë frikë Allahun.”