Аргентинада үш қыздың жан түршігерлік өлімі TikTok желісінде жарияланған

TikTok желісінде жарияланған үш қыздың жан түршігерлік өлімі Аргентина халқын бей-жай қалдырмады. Буэнос-Айрес қаласында жаппай ереуілге шыққан тұрғындар тікелей эфирде бұрымдыларды зорлап, тырнақтарын жұлып, азаптаған қылмыскерлерді жазалауды талап етіп отыр.
Шеру президенттің сарайынан басталып, конгрестің ғимаратына дейін жалғасты. Қатысушылар арасында қоғамдық ұйымдардың өкілдері мен қарапайым қала тұрғындары болды. Басым бөлігі әйелдер. Қолдарына марқұм болған 3 қыздың суретін ұстап шыққандар әділдікті талап етеді. Себебі, қаныпезерлер әлі ұсталмаған. Жергілікті басылымдардың дерегінше, есірткі кортельінің мүшелері 20 жастағы екі қыз бен 15 жастағы бойжеткенді 4 келі кокаин ұрлады деген желеумен ұрлап әкеткен. Осылайша, бұрымдыларды зорлап, әрқайсысын түрлі тәсілмен азаптаған. Біріншісінің бес саусағын жұлып алса, екіншісінің басын жарып, ішін тілгілеп тастапты. Ал үшіншісін пакетпен тұншықтырып өлтірген екен. Ең сорақысы бұл қылмысты бастан-аяқ камераға түсіріп, TikTok желісіндегі жабық топта тікелей эфирден көрсеткен. Қыздарды өлтіруге тапсырма берген қылмыстық топтың серкесі елден қашып кеткен көрінеді.

#Информбюро #31арна