Portret, vogëlushja që vuan nga talasemia (8 Maj 2004)

Lajme Arkiva 2004

Ermela është 9-vjeç. Kur ishte 2-vjeç e gjysëm fare rastësisht prindërit e saj mësuan se ishte e prekur nga sëmundja e talasemisë. Qysh prej asaj dite kanë kaluar 7 vjet dhe Ermela e vogël është e detyruar që dy herë në muaj të marrë gjak në Qendrën Kombëtare të Gjakut. Gjyshja, Lumja, me të cilën Ermela jeton tregon se sa e vështirë ëshë të kesh një fëmijë talasemik.
Lumja: “fillova duke qarë se nuk, e dija që një ditë do merrte gjak, po jo në një kohë kaq të shpejtë. Atëhere filloi, po e vështirë ishte, qante përpëlitej se dy vjeç e gjys. Është shumë vështirë që të kesh një fëmijë të tillë, se natë për natë do i bësh gjilpërën në bark që këtë gjilpërë e mban nga 10 orë deri në 12 orë. Fëmija që do flejë me të, stresi i fëmijës nji dhe stresi i prindit që kur vjen darka nuk di si të them. Më tepër dhe mërzitem nganjëherë, mërzitem se ajo ka shumë të drejtë “O ma, të lutem mos ma bëj!”, “Po jo mi mam se kjo të bën kshu të bukur, pse je bërë e bukur ti, se ke bërë ktë”. Se po mos bëjë desferalin filllon e zmadhohet kocka.”
Në dukje Ermela është një fëmijë si të gjjithë moshatarët e saj, i pëlqen shumë të bëhet balerinë dhe nuk ka fare ndrojtje të kërcejë edhe para kamerës sonë.
Ermela: “Unë vazhdimisht kërcej vetëm për juve.”
Gazetarja: Ti ke qenë në kurse baleti?
Ermela: “Po.”
Gazetarja: Vazhdon akoma?
Ermela. “Jo, e kam lënë, sepse kam shkollën, e kam mbasdite e s’më del koha.”
Në Shqipëri janë 500 fëmijë të tjerë, të cilët ashtu si Ermela, janë të detyruar të marrin gjak për të jetuar. Ministri i Shëndetësisë në Ditën Botërore të Talasemisë deklaron se 7.1 % e popullsisë në vend është bartëse e sëmundjes gjenetikisht të trashëguar të talasemisë.
Leonard Solis: “Nga të dhënat rezulton se janë rreth 500 të sëmurë me hemoglobinopati në Shqipëri. Numri i tyre shtohet çdo vit pasi vazhdojnë të lindin raste të reja, rreth 20 në vit. Popullata me rrezik të lartë duhet të konsiderohet popullata e Myzeqesë e sidomos në rrethet Lushnjë, Fier, Kavajë, Durrës e Tiranë.”
Rreth dy muaj më parë Ministria e Shëndetësisë hodhi idenë e ndryshimit të kodit të familjes për të detyruar çiftet që përpara se të martohen apo të vendosin të sjellin fëmijë në jetë të bëjnë analizat për të parë nëse janë bartës të hemoglobinopative duke shmangur të lindin fëmijë të sëmurë. Vetëm një prind mund të dijë sa e vështirë është të kesh një fëmijë talasemik. /tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/