Діни фанатизм дәстүрден айыра ма? | «Қауіпсіз мемлекет» бағдарлама қонағы дінтанушы Кеңшілік Тышхан

Ұлттық болмыс - теріс ағымға қарсы иммунитет.
«Заң үстемдігі» YouTube арнасының «Қауіпсіз мемлекет» бағдарламасының қонағы – Л. Гумилев атындағы Еуразия ұлттық университетінің Дінтану кафедрасының доценті, ф.ғ.к, дінтанушы Кеңшілік Тышхан Қазақстандағы діни радикализм бойынша өз пікірімен бөлісті.
Сұхбат барысында еліміздегі діни ахуал, діни ағымдардың жастар арасындағы ықпалы, оның алдын алу мәселелері кеңінен талқыланды.
Дінтанушының айтуынша тұрақтылық – ол бір кепілдік көрсетпейді. Радикализмде тұрақтылық кез келген уақытта бұзылуы мүмкін. Радикалды бағытты ұстанушылар зайырлы, ұлттық қоғам құндылықтарына түбегейлі қарсы. Алдын алу тетіктерін заң, құқықтық нормалармен қатар рухани, ұлттық құндылықтарды дәріптеу арқылы жүзеге асыру қажет.
Сондай-ақ қоғамдағы дін мәселесі төңірегіндегі тәртіпсіздік, жүгенсіздіктің орын алып отырғанын атап өтті.
Бағдарламаның жүргізушісі- саясаттанушы, аға әділет кеңесшісі Бүркіт Нұрмағамбетов