مجرور اهداء لـ خميس الجحدلي من خاله حاكم فنيك الجحدلي من كلمات عبدالمجيد المفضلي و اداء نايف ال عيسى

بسم الله الواحد الرازق الوالي
قدام لابدا بقافي وموّالي

سبحانه الواحد المعطي القاهر
من تنعقد هقوتي فيه وامالي

امسيت في رجم اجاذب هواجيسي
وانا على الجزل نقّاض فتّالي

تروح فكره ونتبع لها فكره
وانا على الجم توردني حبالي

وردت واخذت شفي ومقصودي
ماني بمن يطردون اشهب اللالي

اصخر الشعر وأجزل طواريقه
لجل الرجال الصناديد الابطالي

يامرحبا عن هل الصيت والقاله
روس الجحادل هل المذهب الغالي

العزوه اللي لها وقفه وهيبه
في وقتنا الاول ووقتنا التالي

روس الجحادل هل الطيب والفزعه
واهل الوفا والصفا والتجمالي

روس الجحادل عريبين الانسابي
تاريخهم لاتغير ولازالي

روس الجحادل شيوخ الفخر كله
ريف الخوي وأنهم مزبن الجالي

والشيخ حاكم مباديه تشهد له
شيخً يجمل على كل الاحوالي

ابن فنيك اللي علومه تجمل
دون الكرم ماحسب روس الاموالي

حاكم وياحي لي من كما حاكم
رجال يعدل بميتين رجّالي

حاكم وياحي لي وقفت الوافي
واسمه ورسمه ماتوفيه الامثالي

اصغر عطاياه إلى من عطى شيله
في حفل شيخً مًواقيفه جزالي

حاكم وقف وقفته دون ميقافه
معرّب الجد والعم والخالي

من ال شين الرجاجيل الاجوادي
اهل النواميس من ماض الأجيالي

فزعه ووزعه وقالات مشهوده
دون المواجيب بالمال والحالي

من ال شين اهل تاريخ له سيره
في الشرق والغرب وجنوب وشمالي

من دون حدانهم للعدا حربه
ولصحابهم فزعه وريف وضلالي

واليوم في حفل شيخً نماريبه
خميس راعي الكرامه والإكمالي

جمل وكمل ورحب بضيفانه
ضيفه وكيفه وترحيب وافضالي

ابن محمد عظيمه مواقيفه
لو الدهر مال شامخ ولامالي

شيخً بذل دون وجهه ومرسامه
ماله وحاله ماميّل ولاحالي

شيخً مواقفه كلن يثمنها
شيخً لصعب الصعيبات حلاّلي

كريم يمنى جزيل العطى صامل
يفدونه اهل البخاله والانذالي

ومبروك يامشاري وياعسى افراحك
اسنين وبنين وأيام وليالي

انت وخوانك هل الجود والطاله
اقولكم ثابتاتن بالافعالي

ومبروك يامحمد الوافي الشامخ
ومبروك يازياد ياطيب االفالي

انتم رجالً تشرف مباديكم
وأمجاد الأبطال يتلي بها التالي

انتم رجالً نباكم يشرفكم
رجال وجزال وثقال وجبالي

وأبوكم المطلق مجملً ربعه
راعي المعاريف شيّال الاثقالي

وجيهكم بيض والحفل مامثله
والقوم غالي وسير على غالي

يامرحبا رحب ماتحصر حدوده
ترحيب ينشر من الجال للجالي

خميس جيد وكمل مواجيبه
ماحسّب حساب لجنيه وريالي

في ضل قاده ونيران وقّاده
الـ. السعود الذي قدرهم عالي

ملوكنا اللي لهم فعل خلدهم
والرايه اللي على المرقب العالي

الله يعز المليك وولي عهده
والشعب معهم على سلم وقتالي

وكلنا جيش من دون دولتنا
ولا نطاوع بها كل محتالي